Sochı qalasynda apatqa ushyraǵan Tý-154 ushaǵynyń qulaǵanyn kórgen káýger ushaqtyń «birtúrli» jerge qonyp jatqanyn kórgendigi jaıly jaǵalaýdaǵy shekara qyzmetkerlerine baıandap berdi dep habarlaıdy gazeta.ru, málimettiń qazaqsha nusqasyn «Qamshy» portaly oqyrman nazaryna usynady.

Ekspertterdiń aıtýynsha, ushaqtyń apatqa ushyraý sebebi – pılottyń qateliginen bolýy ábden múmkin. Apat saldarynyń bul nusqasy shyndyqqa jaqyn bolyp tur.

Kýágerdiń aıtýynsha, Tý-154 ushaǵy teńizdiń ústinen ótip bara jatqanynda, bıiktikke kóterilýdiń ornynan ol tómendeı bergen, Qara teńizge baryp qona salatatyndaı kóringen. Jaǵalaý áskerleriniń biri «Kýágerdiń ushaq asa joǵary jyldamdyqpen joǵaryǵa kóterilmedi degen sózi kúmándi estildi» dep aıtyp ótti. Tý-154 ushaǵynyń sol kezdegi jaǵdaıyn kýáger artqy dóńgelegimen turǵan motosıklge teńedi.

Sonymen qatar, ushaq sýdyń betin jalap ótti de, tumsyǵymen kirip, lezde batyp ketken.

Aldyńǵy derekterde, Tý-154 ushaǵyndaǵy ekıpaj komandıri ushaqty teńizdiń ústine qondyrmaqshy bolǵany jaıly aıtylǵan.

Ushaq jolynyń kartasy jáne onyń apatqa ushyraǵan tusy