Qazaqstan prezıdenti Nursultan Nazarbaev parlament senatynyń 16 depýtatynyń saılaýyn 1 qazan kúni ótkizý týraly jarlyqqa qol qoıdy. Bul týraly jergilikti resmı basylymdar 31 shilde kúni habarlady.

Jarlyqta "2008 jyly qazan aıynda saılanǵan keıbir senat depýtattarynyń ókilettigi aıaqtalǵany" aıtylǵan.

Prezıdent jarlyǵymen "úkimetke, Astana men Almaty qalalarynyń jáne oblystardyń ákimderine senat depýttattaryn saılaýdy uıymdastyrý, bul sharany materıaldyq-tehnıkalyq jáne qarjylyq jaǵynan qamtamasyz etý tapsyrylǵan".

"Qazaqstan Respýblıkasynyń saılaý týraly" zańyna sáıkes, depýtattyqqa kandıdat usyný saılaý merzimi belgilengen kúnniń erteńinde bastalyp, saılaýǵa bir aı qalǵanda aıaqtalady.

Senatta barlyǵy 47 depýtat bolady. Olardyń 15-in prezıdent, 32-sin (árbir oblys pen Astana jáne Almaty qalalarynan eki kandıdattan) máslıhattar saılaıdy. Senat depýtattary alty jyl merzimge saılanady. Ár úsh jylda 16 senator qaıta saılanyp otyrady. Sońǵy ret senat saılaýy 2011 jyly ótti.

Azattyq.org