NASA 6 jyldan keıin júzege asyrylatyn josparymen bólisti. Oǵan sáıkes, uıym «Mars-2020» mısıasy aıasynda ǵalamsharǵa ottegi óndiretin qondyrǵy jóneltpek, dep jazady VVS.
Sol arqyly amerıkalyq ǵalymdar Marstyq atmosferanyń kómirqyshqyl gazynan astronavttar men zymyran otyny úshin jaramdy ottegi alýǵa bolatynyn zerttep bilmekshi. NASA qolǵa alynyp otyrǵan pılottyq jobany 2030 jylǵa qaraı júzege asyramyz dep otyr. NASA mamandarynyń aıtýynsha, «Mars-2020» kemesiniń mısıasy Marstyń qorshaǵan ortasyna qatysty birqatar suraqtarǵa jaýap alýǵa, sondaı-aq qyzyl ǵalamshardy tolyqtaı zertteý úshin qajetti tehnologıalardy synaqtan ótkizýge kómektesedi.
Bnews.kz
