Almaty prokýratýrasy «Vkontakte» áleýmettik jelisindegi «Kýrısy Almaty» tobyn jabýdy jáne zańsyz dep tabýdy talap etti. Qyzy jarıalanǵan bul toptyń qyzmetine ákesi shaǵym túsirdi, dep habarlaıdy Tengrinews.kz.

Prokýratýrada áleýmettik jelilerde qyzdardyń bedeline nuqsan keltiretin málimettermen bólisip, jala jabatynyn alǵa tartty.

«Vk.com ınternet-resýrsynda adamdardyń ruqsatynsyz sýretterin júktep, jeke bastyń aryna tıetin sózderdi jazyp, jaǵymsyz keıipte sıpattaıdy jáne sondaı-aq, jalǵan málimet beredi», – dep habarlaıdy mekeme.

Mekemede anyqtaǵandaı, jelide 300 qyzdyń sýretteri júktelgen. Sondaı-aq, bul topqa 5 myńnan asa er kisiler tirkelip, sýretterdi qyzý talqylaǵan.

Qadaǵalaýshy organdardyń tapsyrmasymen Qazaqstan aımaǵynda atalmysh materıaldarǵa tosqaýyl qoıyldy.

Buǵan deıin de Vkontaktidegi «Kýrısy Aktobe» degen topta sýreti júktelgen aqtóbelik 17 jasar qyz óz-ózine qol jumsaǵan bolatyn. Óz-ózine qol jumsaǵan qyzdyń ólimine aǵasy dál osy topty kinalap otyr. Pavlodarlyq blogger, ártúrli toptardyń belsendi qatysýshysy Anton Tyshenkonyń aıtýynsha,mundaı toptardyń negizgi aýdıtorıasy bir-birin ǵaıbattaıtyn 14 pen 20 jas aralyǵyndaǵy jas jetkinshekter.