Jańa jyl túninde Santa-Klaýs bolyp kıingen terrorıst Ystambuldaǵy túngi klýbtardyń birine shabýyl jasady. Terrorıst ustaldy. Sońǵy málimet boıynsha, 39 adam ajal qushyp, 69-y jaralanǵan. Marqumdardyń 16-sy – sheteldik. Anadoly agenttigi jazǵandaı, Jańa jyl tabaldyryqtan jańa attaǵan 01:15 shamasynda uzyn uńǵyly qarýmen kelgen terrorıst aldymen esik aldyndaǵy polısıa ókilderin qyryp salady da, ishke kirip beı-bereket oq jaýdyrady. Ol kezde ǵımarat ishinde jańa jyl merekesin toılap jatqan 800-deı qonaq bolǵan. Atys kezinde shoshynǵan adamdardyń keıbireýi Bosfor buǵazyna sekirip ketken.

Hurriyet gazeti birneshe shabylýshy bolǵan dep habarlaǵan bolatyn, alaıda keıinnen bılik ókilderi qylmysker jalǵyz ózi áreket etken dep habarlap otyr.

Dogan túrik agenttigi kóshe baqylaýyndaǵy kameraǵa túsip qalǵan shabýyldy jarıalady: qylmysker klýb aldynda oq atqany kórsetilgen. 

,