Qaraǵandy oblysy ákimdigi Shahandaǵy kópqabatty úıdiń qulaýy saldarynan qaıtys bolǵandar men zardap shekkenderdiń otbasyna búdjetten materıaldyq kómek kórsetetip, jerleý rásimderine ketetin shyǵyndardy óz moınyna alatyn boldy dep habarlaıdy nur.kz
"Qaza tapqandar men zardap shegýshilerdiń otbasyna materıaldyq kómek kórsetiledi. Ákimdik qaıtys bolǵandardyń árqaısysyna 1 mln teńgeden jáne aýrýhanada jatqandarǵa 500 myń teńgeden bóledi. Sondaı-aq, jerleý rásimderi men qonaǵasyna ketetin shyǵyndy ákimshilik óz moınyna alady", - dep málimdedi oblys ákiminiń baspasóz qyzmeti.
Sonymen qatar, jyljymaıtyn múlik pen jekemenshik dúnıelerge tıgen zalal komısıa músheleri tarapynan baǵalanatynyn aıtty.
"Zańnamaǵa sáıkes, zardap shekken otbasylardyń jyljymaıtyn múlikteri men jekemenshik dúnıelerine tıgen zalal tótenshe jaǵdaıdyń mán jaıyn anyqtap jatqan komısıa músheleri tarapynan baǵalanady. Kommısıa jumystarynyń nátıjesinde berilgen baǵaǵa sáıkes barlyq otbasylar ótemaqy alatyn bolady", - dep qosyp qoıdy baspasóz qyzmeti.
