Ystambul qalasynyń túngi klýbtarynyń birinde terrakt jasady dep aıyptalǵan Qyrǵyz jigiti ózine taǵylǵan aıypty moıyndamaı, ózine taǵylǵan aıyptaýlardy joqqa shyǵardy dep habarlaıdy turmush.kg, málimettiń qazaqsha nusqasyn «Qamshy» portaly oqyrman nazaryna usynady.

Iahá Mashrapov atty Qyrǵyz azamatynyń jeke kýáliginiń sýretin Túrkıadaǵy BAQ ókilderi jarıalap, lańkesti izdestire bastaǵan.

Alaıda, Iahá Mashrapov qazir Qyrǵyzstanda júrgeni anyqtaldy.

Mashrapov keshe, ıaǵnı 3 kúni 7:00-de Túrkıadaǵy «Manas» áýejaıynan ushyp, tańǵy 9 shamasynda Bishkektegi Osha áýejaıyna kelip qonǵan.

Internette taralǵan aqparatty kórgen soń, Qara-Sýý aýdanyndaǵy Qalalyq UQK qyzmetkerleri sol aýdanda ornalasqan Iahá Mashrapovtyń úıine baryp, jigitti bólimeshe alyp kelip, tergeýge alǵan.

Qazir Qyrǵyz azamatynyń Túrkıada bolǵan terraktini jasamaǵany anyqtaldy.

Iahá Mashrapovtyń ózi bolǵan jaǵdaıǵa eshqandaı da qatysy joq ekenin basa aıtty. Turmush portalynyń korespondent múshesimen bolǵan áńgimede Qyrǵyz jigiti Túrkıaǵa barǵan sebepterin egjeı-tegjeıli túsindirip, osyǵan deıin de ony Túrkıalyq Quqyq Qorǵaý Organdary tergeýge alǵandyǵyn aıtqan.

«1 qańtar kúni Bishkek qalasynan Túrkıaǵa ushtym. Saýdaǵa qatysty sharýalarymydy bitirip, Ystambul áýejaıyna tirkeý bastalardan 2 saǵat buryn keldim de, tirkeýden ótip, ushaqqa otyrdym. Ushýǵa 10 mınýt qalǵan kezde eki adam kirip barlyǵymyzdy teksere bastady. Meniń qasyma kelip, jeke kýáligimdi kórsetýimdi surady da, birden ushaqtan túsirip aldy. Ushaqtan shyqqan soń syrtta  polısıa jáne áskerı kıimde turǵan 20 shaqty adamdy kórdim de, ań-tań bolyp, eshteńe túsinbedim. Maǵan bir jigittiń sýretin kórsetip, qaıdan kelgendigimdi suraı bastady.  Qańtardyń 1 kúni keldim de, búgin, ıaǵnı 3 qańtarda qaıtyp bara jatyrmyn dep jaýap berdim. Bir saǵatqa jýyq meni tergeýge aldy. Sol sebepti de, Bishkekke baǵyttalǵan ushaq 1 saǵatqa keshikken bolatyn. Jańa jyl túni Ystambuldaǵy terraktige qatysty tergeýge alyp jatqandyqtaryn maǵan túsindirip, eskertti de, keshirim surap, qaıta ushaqqa otyrǵyzyp jiberd», - dedi Qyrǵyz azamaty.

Sonymen qatar, Qyrǵyz jigiti Túrkıada terrakti jasady degen kúdiktini tanymaıtyndyǵyn aıtty. «Terrakt jasady dep aıyptalǵan jigitti men tanymaımyn, meniń jeke kýáligimdegi sýret qalaısha ınternetke taralyp ketkenin de túsinbedim. Ózim Qara-Sýýdyń týmasymyn, 2011 jyldan beri «Týratalı» bazarynda saýdamen aınalysamyn. 3 jeltoqsanda Túrkıada terrakt bolǵan kezde men Qyrǵyzstanda bolatynmyn. Ol qylmysqa meniń qatysym joq. 2011 jyldan beri saýdaǵa qatysty sharýalarymmen Ystambulǵa jıi kelip turamyn», - dep málimdedi Mashrapov.

Esterińizge sala ketsek, jańa jyl túninde Ystambuldaǵy «Reına» túngi klýbynda terrakt bolyp, 39 adam óltirilgen bolatyn. Túrkıalyq BAQ ókilderi terrakt jasaǵan adam Qyrǵyz nemese Ózbek azamaty ekenin rastap otyr.