Terorıstik uıym dep tanylǵan «Islam memleketi» uıymy jetekshileriniń biri Lavdrım Mýhakseri ózine baǵynyshty 300-400 shamasyndaǵy sodyrlarmen birge Eýropa elderinde boı tasalap júr, dep habarlaıdy Qamshy.kz TASS-qa silteme jasap.
Ol Sırıa aýmaǵyndaǵy antıterrorıstik shabýyldar údegennen keıin údere kóshken bosqyndarmen birge kári qurlyqqa ótip ketkeni aıtylýda. Mýhakseriniń bul qýlyǵy týraly Italıanyń barlaý qyzmeti de habarlaǵan.
Daily Mail-dyń jazýynsha L. Mýhakseri Sırıaǵa 2012 jyly Kosovadan barǵan. Lańkester arasynda Ábý Abdýlla ál-Kosova degen laqap atqa ıe. Sodyrlar arasynda ol óz jerlesterine basshylyq jasap qana qoımaı, úgit-nasıhat jumystarymen de belsendi aınalysqan. Ǵalamtor arqyly taraǵan úgit materıaldarynda da Mýhakseriniń tutqyndardy jazalap jatqan sátteri beınelengen.
Basylym Mýhakseriniń buǵan deıin 2013 jyly da Kosovaǵa bir baryp qaıtqanyn, onda sybaılasy Rıdvan Hakıfımen birlesip Serb pravoslav shirkeýinde jarylys jasaýdy, Izraıl fýtbol quramasyna shabýyl josparlaǵanyn jazýda.
