Japonıa bıligi Ońtústik Koreıadaǵy óz elshisin ýaqytsha qaıta shaqyryp aldy dep habarlaıdy life.ru. Sebebi Ońtústik Koreıada 20 ǵasyrdyń birinshi jartysynda japondyq áskerdiń basqynshylyq áreketi kezinde seksýaldy zorlyq kórgen áıelderge arnap eskertkish ornatyldy. Oǵan qarsylyq retinde japondyq elshini elge qaıtaryp aldy. Eskertkish Pýsandaǵy japondyq memlekettik elshiliktiń aldynda ornatyldy.

«Mundaı áreketter eki jaqty qarym-qatynasqa jaǵymsyz áser etedi. Biz ýaqytsha Ońtústik Koreıadaǵy elshimiz Iasýmasý Nagamınedi qaıtaryp aldyq» deıdi Japonıanyń mınıstrler kabınetiniń hatshysy Ósıhıde Sýga.

Eskertkish 28 jeltoqsanda ashyldy. Dál sol kúni ony qaıta alyp tastaýǵa týra keldi. Sebebi Pýsan bıligi eskertkishti ornatýǵa óz kelisimderin bermegen.  30 jeltoqsanda belsendiler merıanyń kelisimin alyp, eskertkish qaıta ornatyldy.