Aıtys aqyny retinde halyqqa tanylǵan, Qazaqstannyń eńbek sińirgen qaıratkeri Muhamedjan Tazabek áleýmettik jelide 20 jyldaı ýaqyt burynǵy aıtysynan úzindi bólisti. Aqyn vıdeoǵa túsinikteme retinde «1998 jyl, 9 mamyrdaǵy «Sýper-doda» aıtysynan úzindi...
«Aqyryn-aqyryn sheginip, alystap ketti-aý sol jyrlar»...» dep jazdy.

Aıta keter bolsaq, aqyn 9 jeltoqsan kúni de aıtysynan úzindi bólisken bolatyn. Jurt kózine kópten dombyra ustap kórinbegen ol «Jeltoqsan rýhyn» nasıhattaǵan aıtysynan úzindini jarıalaǵan edi.

Sońǵy on jylda ánimen, aıtysymen sahnadan kórinbeı ketken Muhamedjan Orazbaıuly qazir dindarlyǵymen tanymal. Onyń dinge bet burýy «Qazaqstan» ulttyq telearnasynda 2001-2002 jyldary onyń júrgizýimen jaryq kórgen «Jumadaǵy júzdesý» habarynan bastalsa kerek.

Qazir aqyn Muhamedjan Tazabek elimizdegi kabeldik telearnalardyń biri, Islam dinin úgitteıtin «Asyl arna» telearnasynyń dırektory.