Qazaqstannyń Jemqorlyqqa qarsy is-qımyl ulttyq búrosynyń Almaty oblystyq departamenti QR Qarjy mınıstrligi Memlekettik kirister komıteti Óndiristik emes tólemder basqarmasynyń bas sarapshysy R. Jumabaevty ustady, dep habarlaıdy QazAqparat.

«R. Jumabaevtyń Qapshaǵaı qalasy aýmaǵynda ornalasqan oıynhana ókilderinen oıyn mekemeleriniń kásipkerlik qyzmetine zańsyz qamqorlyq jasap, salyqtyq tekserýler júrgizbeý úshin júıeli túrde para alǵandyǵy anyqtaldy. Máselen, R.Jumabaev deldal  óziniń uly D.Ýdanov arqyly Qapshaǵaı qalasyndaǵy «İnjýKZkazıno «HO» ókilinen 5 myń AQSH dollary somasynda kezekti para alý barysynda ustaldy», - delingen Qazaqstannyń Ulttyq jemqorlyqqa qarsy is-qımyl búrosy taratqan habarlamada.

Qazirgi ýaqytta R. Jumabaev pen D.Ýdanov QR QİJK 128 babyna sáıkes İle aýdandyq İİB ýaqytsha oqshaýlaǵyshyna qamaldy. Sotqa deıingi tergeý amaldary júrgizilýde.