Premer-mınıstri
K.Q.Másimovke
Qurmetti Kárim Qajymuqanuly!
Men 2006-jyly QHR-dan Qazaqstanǵa kelgem. Alǵashqy bes jylym osynda oqýmen ótti. 2011-jyly Y.Altynsarın atyndaǵy Arqalyq MPI-dyń bitirdim. 2010-jyly Rasol Manarǵa kúıeýge shyqtym. Aqmola oblysy, Ereımentaý aýdany, Oljabaı batyr aýylyna qonystandyq. 2011-jyly 16-jeltoqsanda tuńǵysh qyzym Jibek, 2013-jyly 6-qazanda ulym Qanatbek dúnıege keldi. Kúıeýim, ata-enem – bári Qazaqstan Respýblıkasynyń azamattary.
2012-jyly maýsym aıynda anamnyń qaıtys bolýyna baılanysty shyǵý vızasymen QHR-ǵa bardym. Vızanyń kezegin kútip onda alty aı jattym. Úrimjiden úsh aıǵa bir márte vıza ashtyryp, 12-jeltoqsanda Qazaqstanǵa Zaısan ótkeli arqyly zorǵa oraldym.
Kele salyp, 14-jeltoqsan kúni Ereımentaý aýdany Kóshi-qon polısıasyna bardym. Burynǵy aýdartqan qujattarym Úrimshidegi QR-dyń elshiliginde qalǵan edi. Endi ondaǵy qyzmetker Zulpyqar Jumadilov aıtýy boıynsha, ýaqytsha tirkeýge turý úshin, qujattarymdy Ereımentaý aýdanynda qaıta aýdarttym, kýálandyrdym. Osy barysta aýa raıynyń qolaısyzdyǵyna baılanysty eki kún jol jabylyp qalyp, Kóshi-qon polısıasyna bara almadym. Oǵan jalǵas Táýelsizdik merekesi keldi. Kóshi-qon polısıasy meniń ýájimdi, aýa raıynyń qolaısyzdyǵyn eskermesten, 17 myń teńge aıyppul tóleýge buıyrdy. Tóledim. Aıyppul tólegeniń úshin, bir jyl kútesiń dedi. Bir jylǵa taıaý kúttim.
2014-jyl jańa jyl merekesi óte salyp, Zulpyqarǵa taǵy bardym. Ol sáýir aıyna deıin kútesiń dedi. Sáýir aıynda baryp em, turaqty tirkeýge qujat jına dedi. Qajetti qujattardy jıyp, apardym. Zulpyqar qabyldamady. Sebebi, men manaǵy 17 myń teńge aıyptyń orynsyz ekenin aıtyp, Ereımentaý aýdandyq prokýratýrasyna aryz jazǵam. Zulpyqar meniń ústimnen aryz jazdyń dep, eregesti. Sóıtip, qujatymdy qabyldamaǵan soń, Ereımentaý aýdandyq sotyna aryz jazdym. Sot ákimshilik jazadan bosatylsyn dep, 02.06.2014j qaýly (İs, №3-256/2014) shyǵardy. Osy qaýlyny alyp, taǵy da Zulpyqarǵa bardym. Ol meni Kókshetaýdan Qytaıǵa shyǵý vızasyn ashtyryp kelýge jiberdi. 20 kúnge shyǵý vızasyn ashtyryp kelip, turaqty tirkeýge qujattarymdy taǵy apardym. Qysqasy, osy 20 kún ishinde Zulpyqardyń janyndaǵy kómekshi qyz Kamshatqa qujattarymdy tolyq ótkizdim. Sosyn úıde jatyp kúttim. Bir aptadan soń, Kamshat shaqyryp, meni Kókshetaýǵa barýǵa, vıza ashtyryp kelýge buıyrdy. Qandaı vıza ekenin aıtpady. Kókshetaýǵa baryp em, olar vızanyń ýaqyty bitip ketipti, qaıda júrgensiń dep urysty. Men emshekte balam bar ekenin, Qytaıda vızanyń kezegi jaqyn arada tımeıtinin aıttym. Kókshetaýda Dınara degen qyz maǵan: Jaqynda Zulpyqar ochet tapsyrýǵa Kókshetaýǵa keledi. Sol kisimen birge kelesiń dedi. Zulpyqar maǵan habarlaspady. Ýaqyt óte berdi. Qujattarymdy Ereımentaý aýdandyq Kóshi-qon polısıasyna tapsyryp tastaǵan soń, men alańsyz júre berdim. Osy shilde aıynyń 31-kúni Kamshatqa telefon shalyp, turaqty tirkeýdiń jaǵdaıyn suradym. Ol maǵan erteńnen qalmaı Kókshetaýǵa bar, men eshteńe bilmeımin dedi. Tamyzdyń 1-kúni Kókshetaýǵa baryp em, oblystyq Kóshi-qon polısıasy 15 kúnge taǵy QHR-ǵa shyǵý vızasyn ashyp berdi. Ol vızanyń ýaqyty 2014-jyl, 15-tamyz bitedi.
Demek, men Turaqty tirkeýge turýǵa qajetti qujattarymdy ýaǵynda tapsyrdym. Ereımentaý aýdandyq Kóshi-qon polısıasy ony túgel qabyldap aldy. Sot arqyly aıyptan da bosatylǵam. Oralman mártebesin de alǵam. Endi ne úshin Qytaıǵa baryp, vıza ashtyryp kelýim kerek?! Eger ýaǵynda ótkizbedi dese, oǵan orynsyz aıyppul tóletken, bir kúttirgen Zulpyqar Jumadilov jaýapty. Keshe ol «31» arnaǵa bergen suhbatynda «Men kómekteskem. Kókshetaýmen sóılesip, bylaı isteıik dep. Sottyń tóraǵasymen sóılesip, "kóke mynany otkaznoı qylyp berińizshi. Men taıaq jesem taıaq jeıin" dep. Qaldyraıyq osy jerde dep. Ketý vızasymen bolmaıdy dep, meniń ınspektoryma sógis jarıalady»- depti uıalmaı (http://www.31.kz/video/show/id/3391 ).
A, sonda Zulpyqar kómektesse, sonsha ýaqyttan beri men ne úshin turaqty tirkeýge tura almaı júrmin? Qaıta ol meni «Baýyrsaq» dep kelemejdedi. Aýdan ákiminiń orynbasary balalaryńdy baǵa almasań, balalar úıine tapsyr dep qaıdaǵy joqty aıtyp urysty. Men balamdy baǵa almadym dep barǵam joq, turaqty tirkeýge tura almaǵan soń barǵam. Bul men úshin qorlaý. Qudaıǵa shúkir, jaǵdaıymyz jaqsy. Tabysymyz bar...
Sondyqtan, Qurmetti Kárim Qajymuqanuly, men endigi jerde ólsem de Qytaıǵa qaıtpaımyn! Emshekte balam bar. Sizdiń maǵan kómektesip, Turaqty tirkeýge turǵyzýyńyzdy ótinem. Quzyrly organdarǵa tapsyrma berip, Zulpyqar Jumadilovty jazaǵa tartýyńyzdy, menen keshirim suratýyńyzdy suraımyn!
Eger, Qytaıǵa qaıtýǵa májbúrlep, tólqujatyma qara tańba basamyz dese, men BAQ ókilderin jıyp, Tólqujatymdy pochta arqyly Sizge jiberem. Sizden bosqyn mártebesin nemese bez grajdandyq suraımyn! Ólsem, súıegim ketýi múmkin Qytaıǵa!!!
Qurmetpen
Qadyrbek Gúljaına
06.08.2014
Meken-jaıym:
Aqmola oblysy, Ereımentaý aýdany,
Oljabaı batyr aýyly, Baıtýarov kóshesi 14/2.
