Keshe, 6 shilde Aqordada ótken Úkimettiń keńeıtilgen otyrysynda Elbasy Nursultan Nazarbaev Qazaqstan Úkimetiniń jańa quramyn jarıa etip, qurylymdaýdan keıin 17 mınıstrliktiń 12-si ǵana qalatyndyǵyn jarıa etti. Biz buǵan deıin de bul týraly aqparat berdik. Endi QazAqparat jarıalaǵan Úkimettiń jańa quramyn usynamyz:
Qazaqstan Respýblıkasynyń Premer-Mınıstri Kárim Másimov 1965 jyly dúnıege kelgen. Beıjińde Til bilimi ınstıtýtyn, Ýhan zań ýnıversıtetin, Qazaq memlekettik basqarý akademıasyn bitirgen. Kolýmbıa ýnıversıtetinde (Nú-Iork) top-menedjerler daıarlaý baǵdarlamasynan ótken. Ekonomıka ǵylymdarynyń doktory. Orys, qazaq, aǵylshyn, qytaı, arab tilderin meńgergen. QR Premer-Mınıstriniń orynbasary, QR Premer-Mınıstriniń orynbasary - QR Ekonomıka jáne búdjettik josparlaý mınıstri, QR Premer-Mınıstri. QR Prezıdenti Ákimshiliginiń Basshysy bolǵan. 2014 jyldyń sáýirinen - Qazaqstan Respýblıkasynyń Premer-Mınıstri.
QR Premer-Mınıstriniń birinshi orynbasary Baqytjan Saǵyntaev 1963 jyly Jambyl oblysynda dúnıege kelgen. S.Kırov atyndaǵy Qazaq memlekettik ýnıversıtetin bitirgen, ekonomıka ǵylymdarynyń kandıdaty. Jambyl oblysy ákiminiń orynbasary, QR Tabıǵı monopolıalardy retteý agenttiginiń tóraǵasy, QR Premer-Mınıstri Keńsesiniń basshysy, Pavlodar oblysynyń ákimi QR Ekonomıkalyq damý jáne saýda mınıstri, «Nur-Otan» HDP Tóraǵasynyń birinshi orynbasary, QR Premer-Mınıstriniń birinshi orynbasary - Óńirlik damý mınıstri qyzmetterin atqarǵan. 2013 jyldyń 6 qarashasynda Memleket basshysynyń Jarlyǵymen QR Premer-Mınıstriniń birinshi orynbasary bolyp qaıta taǵaıyndalǵan.
QR Premer-Mınıstriniń adamı damý máseleleri jónindegi orynbasary Gúlshara Ábdiqalyqova 1965 jyly týǵan. Jambyl jeńil jáne tamaq ónerkásibi tehnologıalyq ınstıtýtyn bitirgen, ekonomıka ǵylymdarynyń kandıdaty. 1995 jyldan bastap QR Eńbek jáne halyqty áleýmettik qorǵaý mınıstrliginde eńbek etip, bólim bastyǵynan bastap vıse-mınıstrge deıin eńbek jolynan ótti. «Memlekettik anýıtettik kompanıa» AQ basqarmasynyń tóraıymy qyzmetin atqardy. Elimizdiń eńbek jáne halyqty áleýmettik qorǵaý mınıstrliginiń jaýapty hatshysy, QR Prezıdentiniń keńesshisi QR Prezıdenti janyndaǵy Áıelder isteri jáne otbasylyq-demografıalyq saıasat jónindegi komısıanyń tóraıymy, QR Eńbek jáne halyqty áleýmettik qorǵaý mınıstri qyzmetterine taǵaıyndaldy. QR Prezıdentiniń keńesshisi - QR Prezıdenti janyndaǵy Áıelder isteri jáne otbasylyq-demografıalyq saıasat jónindegi Ulttyq komısıanyń tóraıymy boldy. 2013 jyldyń 28 qarashasynda Prezıdent jarlyǵymen Qazaqstan Respýblıkasy Premer-Mınıstriniń orynbasary bolyp taǵaıyndaldy.
QR Ulttyq ekonomıka mınıstri Erbolat Dosaev 1970 jyly 21 mamyrda týǵan. Almaty energetıkalyq ınstıtýtyn, Baýman atyndaǵy Máskeý Memlekettik tehnıkalyq ýnıversıtetin bitirgen. QR Premer-Mınıstri keńesshisi, QR Energetıka, ındýstrıa jáne saýda vıse-mınıstri, Qarjy vıse-mınıstri, Qazaqstan Damý banki Dırektorlar keńesiniń tóraǵasy, QR Tabıǵı monopolıalar, básekelestikti qorǵaý jáne shaǵyn bıznesti qoldaý agenttiginiń tóraǵasy, QR Densaýlyq saqtaý mınıstri bolǵan. Memleket basshysynyń 2013 jylǵy 16 qańtardaǵy Jarlyǵymen QR Ekonomıka jáne búdjettik josparlaý mınıstri bolyp taǵaıyndalǵan.
QR Densaýlyq jáne áleýmettik damý mınıstri Tamara Dúısenova 1965 jyly Ońtústik Qazaqstan oblysynda dúnıege kelgen. Tashkent halyq sharýashylyǵy bitirgen, ekonomıka ǵylymdarynyń kandıdaty. Ońtústik Qazaqstan oblysy ákiminiń orynbasary, QR Eńbek jáne halyqty áleýmettik qorǵaý vıse-mınıstri, OQO ákiminiń orynbasary, QR Eńbek jáne halyqty áleýmettik qorǵaý mınıstrliginiń jaýapty hatshysy, vıse-mınıstri bolǵan. 2013 jyldyń maýsymynda QR Eńbek jáne halyqty áleýmettik qorǵaý mınıstri bolyp taǵaıyndalǵan.
Mádenıet jáne sport mınıstri Arystanbek Muhamedıuly 1963 jyly Almaty oblysynda dúnıege kelgen. Qurmanǵazy atyndaǵy Qazaq ulttyq konservatorıasyn, QR Prezıdenti janyndaǵy memlekettik basqarýdyń ulttyq joǵary mektebin, Ál-Farabı atyndaǵy Qazaq ulttyq ýnıversıtetiniń aspırantýrasyn bitirgen. QR Mádenıet jáne aqparat vıse-mınıstri, QR Prezıdenti Ákimshiliginiń Áleýmettik-saıası bóliminiń bas ınspektory, İshki saıasat bóliminiń mádenıet sektory meńgerýshisi boldy. T.Júrgenov atyndaǵy Qazaq ulttyq óner akademıasynyń rektory qyzmetin atqarǵan. 2014 jyldyń 11 naýryzynan QR Prezıdenti Jarlyǵymen Arystanbek Muhamedıuly Qazaqstan Respýblıkasynyń mádenıet mınıstri bolyp taǵaıyndaldy.
Investısıa jáne damý jónindegi mınıstri Áset Isekeshev Ál-Farabı atyndaǵy Qazaq ulttyq ýnıversıtetin, QR Prezıdenti janyndaǵy Joǵary memlekettik basqarý mektebin bitirgen. QR Strategıalyq josparlaý jáne reformalar agenttiginde, Ekonomıka jáne búdjettik josparlaý mınıstrliginde jumys istedi. QR Indýstrıa jáne saýda mınıstri, QR Premer-Mınıstriniń orynbasary - Indýstrıa jáne jańa tehnologıalar mınıstri boldy. 2012 jyldyń qyrkúıeginen Qazaqstan Respýblıkasy Premer-Mınıstriniń orynbasary - Qazaqstan Respýblıkasy Indýstrıa jáne jańa tehnologıalar mınıstri bolyp taǵaıyndaldy.
Energetıka mınıstri Vladımır Shkolnık 1949 jyly Máskeý oblysynda dúnıege kelgen. Máskeý ınjenerlik-fızıkalyq ınstıtýtyn bitirgen. Jańa qyzmetke taǵaıyndalǵanǵa deıin «Qazatomónerkásip» UAK» AQ basshysy bolǵan.
Burynǵy qyzmetinde qalǵan mınıstrler:
Qazaqstan Respýblıkasynyń Bilim jáne ǵylym mınıstri Aslan Sárinjipov 1974 jyly týǵan. Qazaq memlekettik ekonomıkalyq ýnıversıtetin, Oklahoma ýnıversıtetin (AQSH), Vena dıplomatıalyq akademıasyn támamdaǵan. Ekonomıka ǵylymdarynyń kandıdaty, joǵarǵy bilimdi ákimshilendirý salasyndaǵy Pensılvanıa ýnıversıtetiniń (AQSH) doktory. «Nazarbaev ýnıversıteti» derbes bilim berý uıymy Atqarýshy keńesiniń tóraǵasy boldy. 2013 jylǵy 2 qyrkúıekte Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń Bilim jáne ǵylym mınıstri bolyp taǵaıyndaldy.
Qazaqstan Respýblıkasynyń Aýyl sharýashylyǵy mınıstri Asyljan Mamytbekov 1968 jyly Ońtústik Qazaqstan oblysynda dúnıege kelgen. Ál-Farabı atyndaǵy Qazaq memlekettik ýnıversıteti men Qazaq memlekettik basqarý akademıasyn bitirgen. Qostanaı oblysy ákiminiń orynbasary, Astana qalasy ákiminiń orynbasary, Ońtústik Qazaqstan oblysy ákiminiń orynbasary, QR Premer-Mınıstri Keńsesi basshysynyń orynbasary, «QazAgro» ulttyq basqarý holdıńi» AQ Basqarma tóraǵasy bolǵan. 2011 jyldyń sáýir aıynan bastap - QR Aýyl sharýashylyǵy mınıstri.
QR Ádilet mınıstri Berik Imashev 1960 jyly týǵan. M.Lomonosov atyndaǵy Máskeý memlekettik ýnıversıtetin bitirgen. Quqyqtanýshy, zań ǵylymdarynyń kandıdaty. QR Prezıdentiniń kómekshisi - Qaýipsizdik Keńesiniń Hatshysy bolyp qyzmet atqarǵan. QR Parlamenti Senatynyń depýtaty - Konstıtýsıalyq zańnama, sot júıesi jáne quqyq qorǵaý organdary komıtetiniń tóraǵasy bolǵan Qazaqstan Respýblıkasy Prezıdentiniń 2012 jylǵy 20 qańtardaǵy Jarlyǵymen Qazaqstan Respýblıkasy Ádilet mınıstri bolyp taǵaıyndalǵan.
QR Qarjy mınıstri Baqyt Sultanov 1971 jyly Almaty qalasynda týǵan. Qazaq ulttyq tehnıkalyq ýnıversıtetin jáne Qazaq memlekettik basqarý akademıasyn bitirgen. QR Ekonomıka jáne búdjettik josparlaý mınıstriniń orynbasary, QR Statısıka agenttiginiń tóraǵasy, QR Qarjy mınıstriniń orynbasary, QR Ekonomıka jáne búdjettik josparlaý mınıstri, QR Prezıdentiniń kómekshisi, QR Prezıdenti Ákimshiligi Basshysynyń orynbasary bolǵan.
QR Syrtqy ister mınıstri Erlan Ydyrysov 1959 jyly týǵan. Máskeý memlekettik halyqaralyq qatynastar ınstıtýtyn, KSRO SİM Dıplomatıalyq akademıasyn bitirgen. Aǵylshyn, hındı, ýrdý jáne fransýz tilderin meńgergen. 2002 jylǵy maýsymnan - QR-nyń Ulybrıtanıa Birikken Koroldigi men Soltústik Irlandıadaǵy Tótenshe jáne Ókiletti Elshisi bolyp, sonymen birge QR-nyń Shvesıa Koroldigindegi, Norvegıa Koroldigindegi, Irlandıa Respýblıkasyndaǵy Tótenshe jáne Ókiletti Elshisi mindetin qosa atqarǵan. 2007 jylǵy shildeden bastap - QR-nyń Amerıka Qurama Shtattaryndaǵy Tótenshe jáne Ókiletti Elshisi boldy jáne Brazılıa Federatıvtik Respýblıkasyndaǵy Tótenshe jáne Ókiletti Elshisi mindetin qosa atqardy. 2012 jylǵy 28 qyrkúıekten bastap - QR Syrtqy ister mınıstri.
Qazaqstan Respýblıkasynyń Qorǵanys mınıstri Serik Ahmetov 1958 jyly Qaraǵandy oblysynda týǵan. Reseı Basqarý akademıasynyń aspırantýrasyn bitirgen. Temirtaý qalasynyń ákimi, Astana qalasy ákiminiń birinshi orynbasary, QR Prezıdenti Ákimshiliginiń uıymdastyrý-baqylaý jumysy jáne kadr saıasaty basqarmasy Memlekettik ınspeksıasynyń meńgerýshisi, Qazaqstannyń kásipkerler men jumys berýshileriniń «Atameken» Odaǵynyń basqarma tóraǵasy, QR Kólik jáne komýnıkasıalar mınıstri, QR Premer-Mınıstriniń orynbasary bolyp jumys istedi. Qaraǵandy oblysynyń ákimi, QR Premer-Mınıstriniń birinshi orynbasary, QR Premer-Mınıstri boldy. 2014 jyldyń sáýir aıynan bastap - Qazaqstan Respýblıkasynyń Qorǵanys mınıstri.
Qazaqstan Respýblıkasynyń Ishki ister mınıstri Qalmuhanbet Qasymov 1957 jyly týǵan. S.Kırov atyndaǵy Qazaq memlekettik ýnıversıtetin bitirgen. QR İshki ister mınıstriniń birinshi vıse-mınıstri, vıse-mınıstri, Shyǵys Qazaqstan oblystyq ishki ister departamentiniń bastyǵy qyzmetterin atqarǵan. 2011 jylǵy sáýir aıynan - Qazaqstan Respýblıkasynyń İshki ister mınıstri.
