Qarasaı shekara otrádynyń (Almaty oblysy) shekarashylary qyzmet barysynda Qazaqstan Respýblıkasynyń aýmaǵynda júrgen úsh salt attyny baıqaıdy. Ustaý kezinde belgisiz adamdar shekarashylardyń toqtaý týraly talabyna qulaq aspastan, qarsylyq kórsetip, ańshylyq myltyǵynan shekara narádyna qaratyp 5 ret oq atyp, ózderi qashyp qutylýǵa tyrysqan. Bul týraly Baq.kz QR UQK shekara qyzmetiniń baspasóz qyzmetine silteme jasap habarlady. 

Shekara narádynyń da amalsyzdan qarý qoldanýyna týra kelip, 1 ret aspanǵa, sodan keıin shekara buzýshylarǵa qaratyp 2 ret oq atqan. Atys kezinde zardap shegýshiler joq. Qyrǵyz Respýblıkasynyń eki azamaty ustalyp, bireýi kórshiles memlekettiń aýmaǵyna qaraı qashyp ketipti. Ustalǵandar qyrǵyz eliniń malshylary eken. Olar dárilik shópterdi jınaýǵa kelgen. Teksere kelgende olardan optıkalyq kózdegishi bar usaq uńǵyly myltyq, dúrdi tabyldy. Atalǵan derek boıynsha quqyq qorǵaý organdary  tergeý amaldary júrgizýde.

Qamshy-aqparat