Matematıka boıynsha álemdegi eń tanymal (ataǵy Nobel syılyǵymen para-par) Fılds syılyǵyn 78 jyldyq tarıhynda alǵash ret áıel adam enshiledi, dep jazady QazAqparat BBC-ge silteme jasap.
Bul adamnyń esimi - Mırıam Mırzahanı. Iranda týǵan. 2008 jyldan beri Stenford ýnıversıtetinde (AQSH, Kalıfornıa) sabaq beredi. Profesor.
«Fılds» 4 jylda bir ret 40 jasqa deıingi ǵalymdarǵa beriletin matematıka ǵylymynyń eń joǵarǵy syılyǵy. Onyń júldesi 15 myń Kanada dollaryn quraıdy (1 Kanada dollary - 0,92 AQSH dollaryna teń). Buǵan deıin ony tek er adamdar alyp kelgen. Jeńimpaz óziniń bul jeńisi jas ǵalym qyzdardy qýattandyryp, ǵylymǵa degen qyzyǵýshylyǵyn arttyra túsedi dep senim artatynyn aıtty.
Aıta keteıik, bul syılyq Halyqaralyq matematıka kongresiniń VII prezıdenti kanadalyq Djona Fıldstiń qurmetine onyń esimimen atalady. Ol 1924 jyly Torontoda alǵash ret matematıkterdi altyn medalmen marapattaý týraly usynys bildirgen bolatyn.
Qamshy-aqparat
