Belgili orys jazýshysy Dmıtrıı Bykov óz eliniń (Reseıdiń) Ýkraınaǵa qatysty ustanǵan saıasatyn qatty synap, bas kótergen mádenıet qaıratkerleri tizimine enedi. Bul týraly Alash aınasy gazeti jazǵan.
Taıaýda ol orys zıaly qaýymy ótkizgen "Soǵysqa, Reseıdiń oqshaýlanýyna jáne totalıtarızmdi áspetteýge qarsy" kongresinde alǵashqylardyń biri bop sóz alyp: "Qurmetti zamandastar! Óz kongresine jınalǵan orystyń zıaly qaýymy óz bıligine sóz aıtýdyń máni joq ekenin jaqsy uǵynyp otyr. Bılik baıaǵydan tyńdaǵysy keletinin ǵana tyńdaıdy. Biraq syrtqy ekspansıasyn doǵarý týraly jylt etken oı da endi olarǵa jetkiliksiz: Reseı qandaı da bir syrtqy qara kúshtiń emes, ishtegi bılikke umtylǵandardyń, ony saqtap qalǵysy keletinderdiń qosqan prosesine iligip ketip otyr. Asqynǵan syrqatpen kúresý nemese tarıhtyń degenine kónbeý maǵynasyz nárse.
Sheshilmegen taýdaı máseleler, zerttelmegen qarama-qaıshy dúnıeler jáne aqyry jiberip alǵan múmkindigimiz ornynan qozǵala bastady. Eger taǵdyryn sheshýge bıliktiń nemese halyqtyń óz kúshi jetpese, onda ony tarıh jasaıdy. Bizdiń jáne bizben birge qalǵan álemniń tarıhtan tys eki rettik ondaǵan jyldardan sońǵy ómirinde bárimiz tarıhtyń ishinde júrmekpiz.
BAQ-taǵy, blogtaǵy jáne jekelegen adamdardyń basyn jaılaǵan shovınısik ustama eshkimdi úrkitip-qorqytpaýy tıis. Soǵysqa qarsylardy búgin satqyndar, Batystyń jaldamalylary jáne besinshi kolonna dep atar. Reseı únemi "júkti" bolǵan agressıvtik ultshyldyq kezeńinen ótip jatyr, biraq júktilik ómir baqılyq proses emes qoı. Mundaıdy kez kelgen ult basynan ótkerýi tıis sekildi. Bul arada másele talqysy basqada: bul oǵan ne beredi?
Agressıvti ultshyldyqpen kúres tájirıbesisiz eshqandaı da ult saý nemese tolyqqandy bola almaıdy. Sondyqtan bul tolǵaqty máńgige shegere berýge bolmaıdy. Bir ret kúıý kerek, sóıtip ony qaıtalamaıtyndaı bolý qajet. Aldymyzda qandaı da bir sanksıalar toqtata almaıtyn, aınyp ta qala almaıtyn agresıa tájirıbesi bizdi kútip tur.
Kópshilik úshin bul avantúrızm jáne halyqaralyq quqyqty kúshteý bop kórinbeıdi, kerisinshe ony eń myqtyǵa beriletin quqyqqa oralý dep kóredi. Qalaı degenmen de osyny bastan ótkerý kerek. Óziniń ishki kúıigi men ımperıalyq uıatyn jeńe almaǵan halyq máńgige bala bop qala beredi", - degen.
Qamshy-aqparat
