Keshe, 30 qańtar kúni BAQ-ta BQO ákiminiń búdjet esebinen 56 mıllıon teńge qarjyǵa avtokólik mingeni týraly aqparat taralǵan bolatyn. Atalǵan máselege baılanysty BQO ákiminiń baspasóz hatshysy Jarqyn Jýmadılov resmı túsinikteme berdi dep habarlaıdy "Qamshy" portaly.
Onda "Qurmetti dostar!
Batys Qazaqstan oblysy ákiminiń qyzmettik kóligine qatysty shyqqan aqparatqa túsinikteme beremin.
Ákimniń qyzmettik kóligi úshin búdjetten qarjy bólinbedi. Iaǵnı, jańa kólik satyp alynǵan joq. Osy ýaqytqa deıin bolǵan «Mersedes» kóliginiń jalǵa alý ýaqyty 2016 jyldyń 31-jeltoqsanynda aıaqtalǵan bolatyn. Jańa jyldan bastap, "Aýdı" A8 kóligin jalǵa alynǵany ras. Arenda aı saıyn 50 myń teńge. Eger kúmán bolsa arnaıy saýal joldaýlaryńyzǵa bolady.
Bul kólik 2015 jyly shyqqan, ıaǵnı salonnan alynǵan sý jańa avtomashına emes. Taratylǵan aqparatta osy kóliktiń eń ozyq úlgisiniń salondaǵy baǵasy kórsetilgen. Qaıtalap aıtamyn 56 mln teńge búdjetten qarjy bólingen joq. Oǵan da saýal joldaýǵa bolady.
Sondyqtan, atalǵan kólik túriniń salondaǵy baǵasyn alǵa tartyp, bolmaǵan isti bolǵandaı etip, aqparatty burmalamaýlaryńyzdy suraımyn.", - delingen.
