16 jastaǵy Shalını Iadavtyń ómiri tozaqqa uqsaıdy. Týylǵan sátinen bastap aýyr dertke shaldyqqan qyz 45 kúnde qaıtalanyp otyratyn azapty basynan keshirip keledi. Ár 45 kún tolǵan ýaqytta terisi alyna beredi, solaısha ár aı saıyn qaıtalana beredi eken. Ókinishke qaraı, Shalını ár kez adam tózgisiz janyna batqan aýrýdy basynan keshiredi. Dárigerler qyzdyń erıtrodermıanyń aýyr túrine shaldyqqanyn aıtyp otyr. Bul aıyqpas teri aýrýy qyzdyń ǵana emes, onyń týystarynyń da janyna qatty batady.

Shalınıdiń erekshe syrt kelbetine qarap, adamdar ony «jylan-adam» dep atap ketken.  

Týylǵan kezinde qyzdy kórgen dárigerler tań qalǵan. Sodan beri ata-anasy qyzdyń ómirin jaqsartý úshin qolynan kelgenin istep jatyr. Ókinishke qaraı, joqshylyqtan taryqqan otbasynyń Shalınıdi emdeýge jetkilikti qarajattary joq.

Qyzdyń terisi sypyrylyp túspeýi úshin oǵan vana qabyldap, ár úsh saǵat saıyn ylǵaldandyratyn krem jaǵyp turýy kerek. Biraq bul kremdi satyp alýǵa qyzdyń ata-anasynyń jaǵdaıy joq.

Shalınıdyń syrt kelbetinin aınalasyndaǵylar úreılene qaraıdy. Sondyqtan oǵan mektepke barýǵa tyıym saldy.

Qyzdyń ózi aýrýdy terisiniń túsý kezinde ǵana sezilmeıtinin aıtady. Onyń terisi otpen kúıdirip jatqan tárizdi bolady eken. Odan bólek, sharasyz qyzdyń terisi kúnnen-kúnge qatty bolyp barady. Tipti, oǵan júrýdiń ózi muń eken.

Qyzdyń ata-anasy máseleni sheshýden úmitteri úzilgendeı. Shalınıden bólek otbasyda taǵy jeti bala bar.

Eń qorqynyshtysy, qyz dertinen tolyǵymen aıyǵa almaıdy. Tek dáriler arqyly onyń aýrýyn jeńildetýge bolady. Alaıda jetkinshektiń ata-anasynyń buǵan shamasy jetpeıdi.

Shalınıdiń ózi bul dertine qandaı da bir qarǵys retinde esepteıdi. Baqytyna oraı qyz týraly basylymdarda habarlanǵanda, álemniń ár túkpirinen oǵan kómek qolyn sozamyn deıtin adamdar tabyldy. 16 jyldan keıin qyzdyń ómiri jaqsy jaǵyna qaraı ózgeredi dep úmittenemiz!