Úkimettiń keńeıtilgen otyrysynda Prezıdent Nursultan Nazarbaev Ulttyq Banktiń tóraǵasy Danıar Aqyshevty tolyqtaı qoldaıtynyn jetkizdi, dep habarlaıdy «Qamshy» portaly.

«Ótken jyl óte aýyr bolǵanyna qaramastan, Ulttyq Bank jaqsy jumys istedi. Endi banktiń múmkindikterin zań arqyly kúsheıtýdi tapsyryp otyrmyn. Osyndaı quqyq berý kerek. Ulttyq Banktiń jumysyna kıligýdi eldiń qarjy salasyna kıligý dep sanap jazalaý kerek. Kórip otyrmyn, Ulttyq Bank tártipke keltirgen saıyn Ulttyq Banktiń tóraǵasy shabýyl kúsheıip jatyr. Muny osy zalda otyrǵan aksıonerler men demeýshiler jasaýda» dedi Nursultan Nazarbaev. Ol retke keltirýge kedergi jasaýshylarǵa shara qoldanylatynyn aıtty.

«Buǵan gazetter men jýrnalıser emes, sonyń ıeleri kináli. Biz retteýge kedergi keltiretinderge shara qoldanamyz. Bankter álsiz. Bar-joǵy 4 bank banktiń 80 paıyz aksıasyn ustaıdy, qalǵandary 26 paıyz, keıbirinde tipti 1 paıyz da joq. Daǵdarys bolǵan kezde, iri kompanıalar ádette birigedi. Biriksin, aksıonerler bankin saqtap qalǵysy kelse, óz aksıalaryn ortaǵa shyǵarsyn. Bankti saqtaýdyń basqa amaly joq. Olar ekonomıkaǵa kerek emes, demek jumys isteýine de qaqy joq. Durys qoı? Mine, eshkimnen qoryqpa! Jumysyńdy erkin isteı ber! Bári zań boıynsha, ornymen. Bireý aralassa, maǵan famılıasyn aıt», — dedi Nazarbaev.