Qytaıdaǵy «I am a singer» baıqaýyna qatysyp, daýsymen álemdi tań qaldyrǵan Dımash Qudaıbergenovti tanymal ánshi Lara Fabıan kezdesýge shaqyrdy.

Bul habardy Dımashtyń dosy ári PR-menedjeri Alpamys Sharımov jetkizdi.

«Búgin bizde qýanyshty jańalyq! Dımashtyń ánin ǵalamtordan tyńdaǵan ataqty ánshi Lara Fabıan ádemi tilekterin bildirdi. Dımashtyń daýysyna tańqalysyn jasyrmaı, kezdesýge shaqyrdy!», - dep jazdy Alpamys óziniń Instagramdaǵy paraqshasynda súıinshi surap.

Olarǵa L.Fabıannyń sazgeri Flabıen habarlasyp, Laramen Ýatsap messendjeri arqyly sóılesken dıalogyn jibergen. Qazir kezdesý jaıly kelissózder júrgizilip jatyr. Alpamystyń aıtýynsha, bul dıalogty da Flabıenniń ruqsatymen jarıalap otyr:

Flabıen: Qazaqstandyq myna ánshi jigitti estip kórdiń be?

Lara: Iá, tańqalarlyq!

Flabıen: Onyń daýys múmkindiginiń keńdigi óte ǵajaıyp!

Lara: Án oryndaý sheberligi óte bıik deńgeıde! Myqty daýys! Flabıen: Onymen kezdessek qalaı bolady?

Lara: Nege kezdespeske?

Eske sala ketsek, Hýnan telearnasynyń efırinen kórsetilgen «I am a singer» baıqaýynyń 3-kezeńinde Dımash úshinshi orynda ıelengen bolatyn. 10 kezeńnen turatyn baıqaýda Dımash jalpy esepte birinshi orynda tur.