Osyǵan deıin ulybrıtanıalyq boksshynyń ákesi GGG-men kelissózder júrgizýge daıyn ekenin málimdegen. Aıtýynsha, olar bul jekpe-jekti 2017 jyly uıymdastyrǵysy keledi.
IBO tujyrymy boıynsha ekinshi orta salmaqta álem chempıony, ulybrıtanıalyq boksshy Krıs Iýbenktiń (24-1, 19 KO) ákesi basty maqsat dep orta salmaqta WBA (Super), IBO, WBC jáne IBF tujyrymdary boıynsha álem chempıony Gennadıı Golovkınmen jekpe-jek ótkizýdi atady, - dep habarlaıdy Vesti.kz qazaq bólimi.

"Endi barlyǵy bizge ózderi kelýi kerek. Bizdiń mıllıondaǵan kórermeni bar ITV degen kúshimiz bar, al ulym Ulybrıtanıanyń eń áserli boksshysy. Golovkındi tirideı qýyratyn josparymyz bar. Birinshi kezekte Golovkınmen judyryqtasýdy kózdep otyrmyz", - dep keltiredi onyń sózin Boxingscene.com.

Aıta keteıik, Iýbenk Golovkınmen ótken jyly-aq kezdesý ótkize alar edi, kelissózder de júrgizilgen. Alaıda ulybrıtanıalyq boksshy tym kóp gonarar suraǵandyqtan, kezdesý ótpeı qaldy. Sóıtsek, ulybrıtanıalyqtar 6 mıllıon dollardan bas tartypty. Keıin Iýbenk Golovkınmen jekpe-jek ótkize almaǵany úshin ashýlanǵanyn málimdegen.

Eske salaıyq, Iýbenk ótken demalys kúnderi Londonda aýstralıalyq Renold Kýınlındi jeńip, IBO belbeýiniń ıegeri atanǵan. Jekpe-jek aıaqtalǵanda ol Golovkındi rıngke shaqyrǵan.