Qazaqstandyqtar eki apta boıy «EKSPO-2017» halyqaralyq mamandandyrylǵan kórmesiniń úzdik tumaryna daýys berdi. Daýys berý www.expo2017mascot.kz saıtynda júrgizildi. Keshe túnde daýys berý resmı túrde aıaqtaldy, dep habarlaıdy Bnews.kz. Daýys berýdiń qorytyndysy boıynsha, «Tengrı men Bóri» tumary birinshi oryn -3705 daýys jınaǵan.

Uıymdastyrýshylardyń aıtýynsha, jumystardy irikteý barysynda basty eki jaǵdaıǵa nazar aýdaryldy: tumardyń «Bolashaq energıasy» taqyrybyna saı bolýy jáne Qazaqstannyń ulttyq mádenıetiniń erekshelikterin kórsetý.

Eske salaıyq, konkýrs ústimizdegi jyly mamyr aıynda bastaldy. Osy ýaqyttyń ishinde konkýrstyq komısıanyń qaraýyna Brazılıa, Meksıka, Venesýela, Portýgalıa, AQSH, Germanıa, Shveısarıa, Ulybrıtanıa, Ispanıa, Bosnıa men Gersegovına, Belgıa, Lıtva, Rýmynıa, Polsha, Ýkraına, Izraıl, Úndistan, Indonezıa jáne basqa elderden 80-nen astam jumys jiberildi.

Qamshy-aqparat