Belgili aqyn, oralmandar máselesin jıi kóterip júrgen Aýyt Muqıbek óziniń «Facebook» áleýmettik jelidegi paraqshasynda keshe jáne búgin Aqordaǵa bas suǵyp dat aıtyp, hat tapsyrǵany týraly jazdy. Ol keshe, 18 tamyz kúni Prezıdent keńsesiniń bastyǵy Mahmut Qasymbekovtyń qabyldaýynda bolyp, ózgertýler men tolyqtyrýlar engizilgeli jatqan Kóshi-qon zańyna qatysty usynystaryn jetkizgen. Óz kezeginde Mahmud Bazarqululy  Qazaq kóshiniń budan bylaıǵy bolashaǵynan syr shertip, biraz jaqsy habarymen Aýyt Muqıbekti qýantyp tastapty. Al, búgin Aýyt Muqıbek Aqordadaǵy Prezıdet keńsesine  QR Prezıdenti Ákimshiliginiń Basshysy Nurlan Nyǵmatýllınniń atyna jazylǵan eki usynys hat daıyndap aparyp tapsyrǵan. Óziniń aıtýynsha ol jazǵan hatynda kóp «surap» otyrǵan joq, tek Elbasymyzdyń on neshe kún  buryn ǵana bar laýazymdynyń aldynda aıtqan «Oralmandardyń elge oralýyna bar jaǵdaıdy jasańdar» degen ámiri oryndalsa, qandastarymyzdyń  elge tezirek oralýyna barlyq múmkindikter qarastyrylsa deıdi. Aýyt Muqıbek sondaı-aq áýeli Alladan, sosyn  «Elbasynyń aıtqanyn eki etpeı» oryndap júrgen Nurlan Zaırollaulynan úlken úmit kútedi. Biz de etek-jeńin jınap, yqshamdalǵan bılikten qalyń qazaqqa qaıyry mol bolar qadamdar kútemiz.

Nurǵalı Nurtaı