26 tamyzda Ulybrıtanıanyń London qalasynda Qazaqstannyń Beıbitshilik jáne kelisim ortalyǵynyń ashylý saltanaty ótedi. Bul týraly Qazaqstan halqy assambleıasynyń baspasóz qyzmetine silteme jasap QazAqparat habarlady. 

Ortalyqtyń ashylýy - etnosaralyq toleranttyq jáne qoǵamdyq kelisimniń qazaqstandyq modelin tanytýǵa, memleketaralyq qarym-qatynastardy nyǵaıtýǵa, saıası, saýda-ekonomıkalyq jáne bilim berý, mádenı yntymaqtastyqtyń basym sektorlarynda ekijaqty qarym-qatynasty keńeıtýge baǵyttalǵan. 

Ashylý saltanatyna Qazaqstan halqy Assambleıasy Tóraǵasynyń orynbasary - Hatshylyq meńgerýshisi Eraly Toǵjanov, Ulybrıtanıa Parlamentiniń Qaýymdar palatasynyń depýtaty ser Tonı Boldrı jáne brıtandyq ınvestorlar, ǵalymdar, ekijaqty yntymaqtastyq týraly kelisimder sheńberinde qarym-qatynas júrgizetin kompanıa ókilderi qatysady. 

Esterińizge salatyn bolsaq, London álemniń eń qymbat qalalarynyń biri bolyp sanalady. Orta eseppen qarapaıym úsh bólmeli úıdiń bir aılyq jalaqysy Londonda 10 myń fýnd sterlıńti quraıdy. 

Qamshy-aqparat