Reseı men Ýkraına prezıdentteri Vladımır Pýtın men Petr Poroshenko 26 tamyzda Mınskide kezdesedi dep habarlady Azattyq radıosy saıty. Balarýs syrtqy ister mınıstrliginiń baspasóz hatshysy Dmıtrıı Mıronchık málimdegen bul aqparatty Reseı jáne Ýkraına prezıdentteriniń baspasóz qyzmetteri de rastaǵan.
Pýtın men Poroshenko Mınskige Keden Odaǵy elderi basshylarynyń kezdesýine barady. Ol jıynǵa Eýropa Odaǵynyń ókilderi de qatyspaq. Shyǵys Ýkraınadaǵy "jaǵdaıdy turaqtandyrý" kezdesýde sóz etetin máselelerdiń biri bolýy múmkin. Ýkraınanyń shyǵysyndaǵy separatıster men úkimet áskeri arasynda qaqtyǵystar jıi bolyp, óńirde beıbit turǵyndar qaza taýyp jatyr.
Qamshy-aqparat
Pikir qaldyrý