Qazaqstan Respýblıkasy Parlamenti palatalarynyń birlesken otyrysy qyrkúıektiń 2-sinde ótedi, - dep habarlaıdy Tengrinews.kz  Májilistiń baspasóz qyzmetine silteme jasap.

"Qazaqstan Respýblıkasy Konstıtýsıasynyń 58-baby, 4-tarmaǵynyń 2) tarmaqshasyna sáıkes, Qazaqstan Respýblıkasy Parlamenti palatalarynyń birlesken otyrysy 2014 jylǵy 2 qyrkúıekte, saǵat 11-de Astana qalasynda shaqyrylsyn", - delingen Májilis tóraǵasy Qabıbolla Jaqypovtyń ókiminde. Májilistiń baspasóz qyzmeti jarıalaǵan qujatta birlesken otyrystyń kún tártibi kórsetilmepti. Aıta ketetin bolsaq zań shyǵarýshy organnyń deptýttary qazir jazdyq demalysta.

Eske sala keteıik, Qazaqstan Parlamenti - respýblıkanyń zań shyǵarýshy joǵarǵy ókiletti organy. Ol qos palatadan turady: Senat jáne Májilis. Tómengi palatanyń besinshi shaqyrylymynyń quramy 2012 jyldyń qańtarynda bekitildi. Konstıtýsıalyq normalarǵa sáıkes, 2008-2011 jyldary saılanyp, QR Prezıdenti 2007-2011 jyldary bekitken Senat depýtattary besinshi shaqyrylymda ókilettikterin jalǵastyrdy. 

Qamshy-aqparat