Ganada máıithana qyzmetkerleri óz qyzmetine aqsha almaǵany úshin jerleıindep jatqan jerinen qaıtys bolǵan er adamnyń denesin alyp ketken dep habarlaıdy Daily Mail.

Gana astanasy Akkrede bolǵan oqıǵa vıdeoǵa túsip qalǵan. Máıithananyń eki qyzmetkeri jerleý kezinde zıratqa baryp, adamdardyń qarsylyǵyna qaramastan tabyttan er adamnyń denesin alyp shyǵyp, ózderimen birge alyp ketken.

Eki qyzmetkerdiń mundaı áreketine máıithana qyzmeti úshin 150 gandyq sedıdi ($35) tólemegeni sebep bolǵan.

Qaıtys bolǵan er adamnyń týystary máseleni sheship, jerleý rásimin oıdaǵydaı ótkize aldy ma álde joq pa belgisiz.

Buǵan deıin AQSH turǵyny máıithanadan óli adamnyń denesi salynǵan kólikti aıdap ketken. Óli adamnyń denesin kórgennen keıin kólikti qaıtaryp berip, dál sol ýaqytta basqa kólikti urlaýǵa áreket jasamaq bolǵan. Alaıda adamdar der kezinde ony ustap, polısıaǵa ótkizdi.