AQSH prezıdenti Donald Tramp pres-konferensıada Amerıka jaǵalaýynda tabylǵan reseılik keme jaıynda aıtyp qaldy, dep habarlaıdy informburo.kz.

AQSH prezıdenti Donald Tramp Reseıge qatysty syrtqy saıası josparlarymen bólispeıtinin tilshilerge habarlady.

Pres-konferensıa ústinde tilshiler Tramptan Amerıka jaǵalaýynan tabylǵan «Vıktor Leonov» atty barlaý kemesine qatysty, sondaı-aq halyqaralyq mindettemelerge qaramastan áskerı qarýlandyrý quramyna qanatty raketalardy qabyldaýy jáne Qara teńiz jaǵalaýynda reseılik ushaq pen amerıkalyq kemeniń kezedsýine qatysty suraqtar qoıdy.

«Qandaı josparlarymnyń bar ekenin eshkimmen bólispeımin», - dep jaýap berdi Tramp, óziniń áskerı jáne basqa da isteri jaıynda halyqqa jarıalaǵysy kelmeı..

«Soltústik Koreıaǵa, Iranǵa qatysty josparlarymmen bólispeımin. Sebebi, bul jaıynda olardyń ózderi bilmeýi tıis. Sondyqtan Reseılik kemege de qatysty oıymdy jarıalamaımyn. Eshqandaı amal qoldanbaımyn dep úmittenemin, sonda da bilmegenderiń abzal» , - dep jumbaqtady AQSH prezıdenti.

Pres-konferensıada Tramp birnishi Amerıka jaǵalaýynan tabylǵan reseılik keme jaıynda habarlady:

«Jaǵalaýdan 30 mıldik qashyqtyqta ornalasqan kemeni Reseıdiń ózine aparyp bersem de bolady. Oǵan elimizdiń ár adamy oń kózqaras tanytyp, «Keremet jańalyq» desip qalar edi. Biraq bul eshqandaı da keremet jańalyq bolmaıdy. Men Reseımen aramyzdy túzetýge tyrysqym keletin edi»

AQSH taıaý shyǵystaǵy odaqtastarymen arab áskerı koalasıany NATO-ǵa uqsastyryp salý jónindegi suraqtardy qarastyrýda.

Aldaǵy derekter boıynsha, áskerı odaq quramyna 5 memleket kiredi: Izraıl, Saýd Arabıasy, BAÁ, Egıpet jáne Iordanıa. Atalǵan memleketter Iranǵa qarsy odaqtaspaq nıette.