Qytaıdyń Henan provınsıasynda tuńǵysh robot-polıseı qyzmetine kiristi. Ol Chjenchjoý qalasynyń temirjol vokzalyndaǵy kútý zalyn kúzetedi, dep habarlaıdy lenta.ru.

Robot-polıseı óz betimen berilgen aýdandy kúzetedi, adamdardyń bet-álpetin skanerlep jáne ajyratyp, jolaýshylardyń suraqtaryna jaýap bere alady. Sondaı-aq ol aýa temperatýrasyn anyqtap, órt qaýpin eskertedi.

Ázirge robot testileý rejıminde iske qosylǵan. Jaqyn arada ony túngi mezgilde jumys istetý josparlanýda. Sebebi túnde kútý zalynda jolaýshylar kóp bolady.

Aıta keter bolsaq, jaqynda ǵana Qytaıda alǵashqy robot jýrnalıs qyzmetke kirisip, alǵashqy maqalasyn jazǵan bolatyn.  Sáo Nan esimdi robot korespondent 300 ıeroglıften turatyn alǵashqy maqalasyn 1 sekýndta jazǵan edi.