Adam bop ómirge kelgen soń, bárimizdiń alǵa qoıǵan maqsatymyz, armanymyz bolady. Biraq kóbimiz áreket etip kúresýdiń ornyna, jáı armandap, qur shóppen aýyz súrtkendi jaqsy kóremiz. Ondaı sát mende de kóp bolǵan, sol kúrespegenniń arqasynda kóptegen armanyma, bıik maqsatyma jete almadym.
Iá, bári Qudaıdyń qolynda deımiz, biraq Alla taǵala bizge qarmaq beredi ǵoı, ózimiz balyq aýlaýǵa erinemiz de, "áı, qoıshy" dep jeńildiń ústimen júre beremiz.
Mysaly, túnde qatty dáretxanaǵa barǵymyz keldi delik. Maqsatyńa jetý úshin jyly tósekten turyp, uıqyńdy ashyp, dáretxanaǵa barýǵa týra keledi ǵoı? "Men depressıada boldym, sol úshin jiberip qoıdym", "Meniń múlde ýaqytym bolmady", "Negizi ne isteý keregin bilem, biraq men joly bolmaıtyn baıqus emes pe edim?", "Ornymnan turyp, ol jaqqa barar em, átteń aqsham joq!", "Iá! Men sondaı adammyn! Ne boldy al?? Kerek deseń butyma buǵan deıin 4 ret jiberip qoıdym, tirimin ǵoı? Dáretxanaǵa júgirip barý-eshqashan qolymnan kelmeıdi! Ne deısiń maǵan", "Erteń, ne basqa kúni bararmyn!" dep syltaý aıtpaısyń ǵoı?
Sonda nege istegimiz kelgendi istemeı, aıtqymyz kelgendi aıtpaımyz? Sebebi bizdiń ishimizde "qorqynysh degen bále" otyrady jalpaıyp. Biz bir qulaǵannan keıin ústimizdegi shańdy qaǵyp ornymyzdan turýǵa batylymyz jetpegen saıyn, ana qorqynysh byttıyp semire beredi. Sosyn ol "senimdilik pen batyldyqty" buryshqa qysady. Jeke ózime kelsem, men qansha jyl boldy, sýda júzýdi úırene almaı-aq qoıdym, sebebi men "batyp ketem" dep qorqamyn. Qansha tyryssam da sol qorqynyshty jeńe almadym..
Sol sıaqty sizdi jumysqa ákeńiz kirgizip qoıdy delik, ol qyzmetti armandamaǵansyz, jumysqa barǵan bette kúnde bes mınýt saıyn feısbýkke kiresiz, ıaǵnı jumysyńyzdan esh lázzat almaısyz, "myna jumysty aıaqtasam, úlken jetistik kútip tur" degen maqsat joq. Kelesiz, ketesiz. Al tastap, óz qalaýyńyzben jumys tabýǵa qorqynysh jibermeıdi. "Basqa jumysty tapsam, isteı almasam qaıtem?", "Da ný, qaıta tómennen bastaý kerek pe?", "Aılyǵy az shyǵar"-osy oılar maqsatymyzǵa jetkizbeıdi, súıikti isimizben aınalyspaı, bir orynda qozǵalmaı qala berýge sebep bolady.
Ol úshin ishtegi qorqynyshty jekpe-jekke shaqyryp sóılesý kerek eken. "Ne boldy? Meniń qolymnan kelmeıdi deısiń be? Keledi? Alma aǵashyn da eńbektenip ektim, neshe jyl kúttim. Endi jemis berýde ǵoı? Sondyqtan sen meni bosat, maqsatyma jetkiz" deńizshi, júzege asady eken. Alynbaıtyn qamal joq, adam jasaǵandy adam jasaı alady!
Janat Baqyttyń ınstagram paraqshasynan
