Qazaqstan Prezıdenti Nursultan Nazarbaev Belarýs Respýblıkasynyń Prezıdenti Aleksandr Lýkashenkomen telefon arqyly sóılesti, - dep habarlaıdy Tengrinews.kz jańalyqtary.

 
Áńgime barysynda Nursultan Nazarbaev pen Aleksandr Lýkashenko ekijaqty yntymaqtastyqtyń meılinshe ózekti taqyryptaryn talqylady.

Memleketter basshylary Eýrazıalyq ekonomıkalyq odaqtyń qazirgi qyzmeti men onyń budan ári damýynyń máseleleri jóninde pikir almasty.

Sondaı-aq, eki eldiń kóshbasshylary aldaǵy kezdesýlerdiń kestesin qarastyrdy. Atap aıtqanda, Qazaqstan Prezıdenti Belarýs Prezıdentin Shanhaı yntymaqtastyq uıymynyń samıtine jáne Astanadaǵy EKSPO-2017 halyqaralyq kórmesiniń ashylý saltanatyna shaqyrdy.

Sonymen qatar, Belarýs Prezıdentiniń resmı saıtynda eki jaqtyń qazirgi máselelerge alańdaýshylyq bildiretinderini aıtylǵan. 

"Qazaqstan Prezıdenti Nursultan Nazarbaev Reseı men Belarýs arasyndaǵy problemalarǵa alańdaýshylyq bildirdi. Sonymen qatar, ol qazirgi máseleler odaq ishinde ózara sheshimin tabady degen senimde", - dep jazylǵan Belarýs prezıdentiniń saıtynda. 

Sondaı-aq, Nursultan Nazarbaev belorýs basshysyna Qazaqstan men Qyrǵyzstan arasyndaǵy máselelerdi jáne onyń sheshimderin aıtqan. Eki jaq qazaq-belorýs qarym-qatynasyn talqylady.