Aqordada elbasynyń qatysýymen Qaýipsizdik Keńesiniń otyrysy ótti.
Elbasy Nursultan Nazarbaev Qazaqstan halqynyń jáne óz atynan áskerı jattyǵýdy oryndaý barysynda qaza tapqan 7 áskerı qyzmetkerdiń otbasy, týǵan-týystaryna kóńil aıtty. Bul týraly Qamshy portaly akorda.kz saıtyna silteme jasap habarlaıdy.
- Jambyl oblysynda qar kóshkini saldarynan bolǵan qaıǵyly oqıǵa týraly habardy zor kúızelispen qabyldadym. Olardyń árqaısysy eliniń naǵyz patrıoty bolyp, óz áskerı mindetin sońyna deıin atqardy. Qorǵanys mınıstrligine qaza tapqan sarbazdardyń otbasylarynyń bárine jan-jaqty kómek pen qoldaý kórsetýdi tapsyramyn. Memlekettik komısıa bolǵan oqıǵanyń sebepterin anyqtaýda. Mundaı qaıǵyly jaǵdaı bolashaqta qaıtalanbaý úshin barlyq qajetti sharalardy qabyldaımyz, - dedi Qazaqstan prezıdenti Nursultan Nazarbaev.
Budan bólek, jınalysta Qaýipsizdik keńesiniń kún tártibine shyǵarylǵan máseleler jaıynda aıtyldy. Qazirgi kezde el úshin asa qaýipti bolyp turǵan ekstremıstik jáne terorıstik áreketterge qarsy turý eń áýelgi mindet bolyp tabylatynyn aıtty.
Sondaı-aq, Memleket basshysy memlekettik organdarǵa basqa da salalar men baǵyttarǵa qatysty ulttyq qaýipsizdikti qamtamasyz etý jóninde birqatar mindet qoıdy.
