Keste «Respýblıkalyq radıo» JSHS Bas dırektory men onyń orynbasarynyń 2 aı boıy barlyq habarlardy tyńdap, tereń talqylaýdan ótkizýiniń nátıjesinde qabyldandy. Bul týraly korparasıa taratqan aqparatqa silteme jasap «Qamshy» portaly habarlaıdy.

Talqylaý qorytyndysy boıynsha,  «Alash ardaqtylary», «Ájemniń áńgimesi», «Áriptester ne deıdi?», «Zerde», «Dáýir úni», «Dáýir dúldúlderi», «Álem jaýharlary», «Kóńil kózi», «Kózaıym», «Ulaǵat», «Qalamger, «Zań-tápsir», «Halyq pen salyq», «Aýylym – altyn besigim», «EKSPO», «Eksport», «Saıası saraptama» syndy tanymdyq jáne salalyq saraptamalyq habarlar men «Shamshyraq», «Tanym», sonymen qatar, júıelenip, bir izge túsirilgen «Lırıkalyq saǵat» sekildi úlken jobalar ázirlendi.

Endi,  «Aq tilek» quttyqtaý baǵdarlamasy 14:00-15:00 aralyǵyna kóship, «Shamshyraq» aqparatty-sazdy kóńilashar baǵdarlamasynyń 19:00-20:00 aralyǵyndaǵy bir saǵaty Almaty stýdıasyndaǵy jańalyqtarmen jalǵasady.

Sonymen qatar, el rýhanıatyndaǵy aqparattardy (ár jarty saǵat saıyn efırge shyǵatyn jańalyqtardan bólek) «Shamshyraqtyń» astanalyq shyǵarylymynan, al, Almaty men Jetisý jańalyqtaryn almatylyq shyǵarylymynan tyńdaı alasyzdar.

Radıo efırindegi 22:00-23:00 aralyǵy «Tanym» saǵaty bolmaq. Iaǵnı, bul saǵat barysynda kóńil kókjıegin keńeıtýge arnalǵan «Aqsúıek», «Jas tolqyn», «Ónegeli ómir», «Qyzdar ne deıdi?» baǵdarlamalary shyqpaq.

Aptanyń bes kúninde efırge shyǵatyn qazaq halqynyń dástúrli tanymyna negizdelgen baǵdarlamalarǵa habarlasyp, syrlasýyńyzǵa da múmkindik bar. Radıo efırindegi 23:00-24:00 aralyǵynda qyzdar poezıasyna arnalǵan «Gúlsezim»,sańlaq aqyndardyń jyrlaryn arqaý etetin «Júrek sózi», orta býyn shaıyrlardyń shyǵarmashylyǵyna arnalǵan «Sárýar», jastar poezıasyna arnalǵan «Jyrlaıdy júrek», sondaı-aq, qazaq án óneriniń jaryq juldyzdaryna aınalǵan tulǵalardyń retro ánderinen beriletin «Saǵynysh sazy» atty konserttik baǵdarlamany tyńdaı alasyzdar.

Al, óz maqsatyna saı jumys jasap kele jatqan baǵdarlamalar jalǵasa beretin bolady.