Keńsede jumys isteıtinder ómirine shaǵymdanýǵa beıim turady. Daily Mail-diń álemdegi eń jaǵymsyz kásipter tizimin kórgennen keıin keńse qyzmetkerleri ómirde qanshalyqty joly bolǵanyn túsiner.
Iister boıynsha sarapshy
«Meniń jumys kúnim shaqyrylǵan adamdardyń denesin ıiskeýden bastalady» dep bastady sózin Unilever korporasıasynyń ıis jónindegi bas sarapshysy Sheron Púg. Ol adamdardyń qoltyǵyn ıiskep, óz sezimderin qaǵaz betine túsiredi.
Bul jumysynyń tek bir bóligi ǵana. Odan keıin tájirıbege qatysqan adam ıissiz sabynmen jýynyp, synalyp jatqan kosmetıkalyq ónimdi qoldanady. Qyzmetker qaıta adam qoltyǵyn ıiskep, kosmetıkanyń áserin anyqtaıdy. Test birneshe saǵattan keıin qaıta jasalynady.
Parlamenttik langýrlar
Úndistan astanasy Delıde myńdaǵan makaka júredi. Olar metroǵa otyrady, páterlerge kiredi, adamdardyń tamaǵyn urlaıdy. Makakalar tipti premer-mınıstrdiń kabınetine kirip jumysqa kedergi keltiredi eken.
Atalmysh máseleni sheshý úshin langýr bolyp kıinip, dál maımyldar sekildi dybys shyǵaryp, atalmysh janýar sıaqty júrip-turatyn 40 adamdy jumysqa alǵan. Osydan keıin másele sheshilip, makakalar «langýrlardan» alshaq júretin bolǵan.
Japondyq elektrık
Japonıaǵa barǵan týrıserdiń nazary birden shıelenisken symdarǵa túsedi. Búkil álemde symdardy jerdiń astyna qazady. Al Japonıada ony baǵanalarǵa iledi. Kishigirim aqaýlar bolǵannyń ózinde elektrıkter shıelenisken symdardy bir-birinen ajyratýy qajet.
Mysyqtarǵa arnalǵan jemniń degýstatory
Marks and Spencer dúkender jelisiniń qyzmetkeri Saımon Ellıson úı janýarlaryna arnap jem jasaıdy. Ol alǵash ret 2006 jyly mysyqtarǵa arnalǵan jemniń dámin tatyp, unatyp qalypty. Sodan beri úı janýarlaryna arnap jem daıyndaıtyn bolǵan. Ádette adamdar unata bermeıtin dámder men ıister oǵan unaıdy eken.
Káriz júıesin tazalaýshy
Jylyna eki márte maýsymdyq jańbyr jaýardyń aldynda jáne keıin qalalardyń barlyq káriz júıesi tazartylady. Onymen aınalysatyndardyń arnaıy kıimi de, jabdyqtary da joq. Kúndik aqshasy 300 rýbıden aspaıtyn olar kúni boıy belshesinen las sýda turyp, qolymen barlyǵyn tazartady. Olardyń jumys kúni tańda bastalyp, túnge deıin jalǵasady.
Jyl saıyn Úndistanda adamdar tunshyǵyp nemese ınfeksıa túskennen qaıtys bolady eken. Birneshe jyl buryn Úndistan bıligi káriz júıesin qolmen tazalaýǵa tyıym saldy. Alaıda zańnyń oryndalýyn áli kúnge deıin eshkim baqylamaıdy.
Adamdar amaldyń joqtyǵynan osyndaı jumysqa baratynyn aıtady.
