2 naýryzda prokatqa shyǵatyn «Bárine erkekter kináli» otandyq komedıasynyń saýndtregin astanalyq «Format» toby oryndaǵan.  

«QazAqparat» jazǵandaı, «Án mahabbat, sulýlyq, bizdiń arýlar jaıynda, ánniń jazylǵanyna kóp boldy, óziniń sátin kútken bolý kerek», - dedi avtor Q. Baıkenov.

Jobanyń prodúseri Aleksandr Sýslov rotasıaǵa shyqqannan keıin án elordalyq toptyń  kezekti hıtine aınalatynyna senimdi. Astanada túsirilgen fılmniń saýndtregin Astanada 10 jyl buryn qurylǵan elordalyq «Format» toby shyrqaıdy. Búgin onyń qatysýshylary Andreı Prıl (soqqysh aspap), Erbol Tasmambetov (bas gıtara), Vıtalıı Iýrchýk (bas gıtarashy), Olga Djýldıeva (perneli), Ivan Tkachenko (baǵdarlamalaý jáne gıtara), Gúlsim Myrzabekova (vokal) jáne Qaırat Baekenov (kompozıtor, ánshi, top jetekshisi). Toptyń saz qorjynynda 100-den astam avtorlyq ánder bar. 

Eske salsaq, «Bárine erkekter kináli» kórkem fılmi erler joq áıelder álemine kirip ketken úsh jigit jaıynda. Fılmge belgili akterler túsken: Táýekel Músilim, Murat Bısenbın, Jánıa Djýrınskaıa, Saıa Orazǵalıeva, Danıar Alshınov, Natalá Naýmova, Ásel Ákbarova jáne t.b. 

,