Almatylyq "Qaırat" klýbynyń burynǵy jattyqtyrýshysy Aleksandr Borodúk resmı túrde fýtboldan Qazaqstan Ulttyq quramasynyń bas bapkeri qyzmetine taǵaıyndaldy, dep habarlaıdy Vesti.kz.
Reseılik maman Qazaqstan Ulttyq quramasyn aldaǵy úsh jyl boıy baptaıdy. Kelisimshart merzimi osy ýaqytqa josparlanǵan. Aleksandr Borodúktiń Ulttyq qurama tizgininde jumys isteý tájirıbesi bar. Ol fýtboldan Reseı quramasynyń bapkerler qosynynda bolyp, birneshe jattyqtyrýshynyń kómekshisi bolǵan.
Buǵan deıin Borodúktiń Reseıdiń jastar quramasy men Belarýs Ulttyq quramasyn jattyqtyrýy yqtımal degen málimet shyqqan edi.
Eske salaıyq, 54 jastaǵy maman "Qaıratty" 2016 jylǵy maýsymnyń basynda jattyqtyrǵan edi. Ol almatylyq klýbpen Qazaqstannyń Sýperkobogyn jeńip alǵanymen, maýsym barysynda kórsetken nátıjesi kóńil kónshitpedi. Sol sebepten reseılik maman óz erkimen qyzmetin bosatty.
Osy ýaqytqa deıin Qazaqstan Ulttyq quramasynyń tizginin Talǵat Baısýfınov ustap kelgen. Endi ol Qazaqstan fýtbol Federasıasynyń Ulttyq quramalar departamentiniń tehnıkalyq dırektory qyzmetin atqarady.
