AQSH prezıdenti Donald Tramptyń jónsiz jarlyǵy kesirinen ataqty «Oskar» syılyǵyna ıe bolǵan kınooperator Haled Hatıb Los-Andjeleste ótken marapattaý rásimine qatysa almaı qaldy dep jazady Muslim.kz.
21 jastaǵy operator amerıkalyq vıza alǵanymen, sońǵy mınýttarda elge kirýine qarsylyq kórsetilgen. AQSH İshki qaýipsizdik mınıstrligi qyzmetkerleriniń aıtýynsha, qarsylyq kórsetilýiniń sebebi – sırıalyq azamat jaıly «jaǵymsyz aqparattardyń bar bolýy» kórinedi.
Aıta keteıik, Hatıb túsirýge qatysqan «Aq kaskalar» fılminde Sırıadaǵy soǵystan zardap shekken halyqty qutqarý jumystarymen aınalysqan eriktiler týraly baıandalady.
