Ońtústik Qazaqstan oblysynyń Qaramurt aýylyndaǵy jappaı tóbelesti kórshi aýyldan kelgender bastaǵan. Osyndaı aqparatty kaz.gazeta.kz saıty Saıram aýdanynyń ákimi Ýálıhan Qaınazarovqa silteme jasap taratty. Ákimniń aıtýynsha eki kún buryn kórshi aýyldan (Tólebı aýdanynyń Madanı aýylynan) kelgen eki bala dúkenshimen sózge kelip qalyp, araǵa eki kún salyp qaıta kelip tóbeles shyǵarǵan. Olar qury kelmeı kórshi aýyldan kelgen 50 shaqty jas jigitti erte kelip bes-on mınýt ishinde 17 kólik pen 8 saýda núktesiniń kúlin kókke ushyrypty.
Atalǵan jáıtke baılanysty ákim Qaınazarov bylaı degen: «Men Madanı aýylyna baryp qaıttym. Aýyl aqsaqaldarymen sóılesip, jaǵdaıdy túsindirdim. Búgin olar jınalyp, aqyldasady. Erteń tańǵy saǵat onda aýyl adamdary Qaramurt ákimdigine kelip, jergilikti halyqpen kezdesedi»
Qazir atalǵan oqıǵaǵa qatysy bar degen kúdikpen bes adam ustalyp, tergeý amaldary jumystary bastalǵan.
Qamshy-aqparat
