Ýkraına qarýly kúshteriniń ókili búlikshilerdiń týyn asqan 10 tanki men eki bronetransporterdiń Reseıdiń otńtústigindegi shekaradan Ýkraınaǵa ótkendigin málimdegen.
Bul týraly soltústikten 120 kılometr qashyqta júrgen batys jýrnalıseri de Donesktiń teristiginde bolǵan qıan-keski urysqa kýáger bolǵanyn jazady. Urys maıdanynyń jaǵdaıy jóninde: «Qalanyń soltústigindegi eldi mekenderde jarylystar bolyp, tútinder býdaqtap jatyr»,-deıdi Batys jýrnalıseri. Ýkraına qarýly kúshteriniń aqparatynsha, ótken 24 saǵattyq urysta 4 ásker qaza taýyp, 31 ásker jaralanǵan.
Bul qaqtyǵys Ýkraına prezıdenti Petr Poroshenko men Reseı basshysy Vladımır Pýtınniń birneshe aıdan beri birinshi ret Mınskide kezdesýine tuspa-tus kelip jatyr deıdi olar. Kremldiń dúısenbidegi taǵy bir retki gýmanıterlyq kómekti uıymdastyratyny týraly málimdemesinen keıin, osy jolǵy kezdesýdiń salmaǵynyń aýyrlaǵanyn jazady AFP jýrnalıseri.
«Reseı 230 júk kólikteri 1800 tonnalyq «gýmanıtarlyq kómgin» Reseıshil separatısterdiń baqylaýyndaǵy Lýgansk qalasyna Qyzyl Krestiń esh aralasýynsyz jiberdi. Muny Kıev jaǵy «tikeleı shapqynshylyq» dep aıyptaǵanymen, júk kólikteri Reseıge yń-jyńsyz qaıtyp úlgerdi»,-deıdi AFP.
Dúısenbidegi shakara mańyndaǵy qaqtyǵys jaıynda qarama-qarsy milimdemeler aıtylýda. Qalashyqqa jaqyn mańdaǵy bir jergilikti turǵynnyń AFP-ǵa telefon arqyly bergen aqparaty boıynsha, shekaralyq aýmaqtan jarylystardyń daýysy anyq estilip turǵan. Alaıda, Reseı syrtqy ister mınıstri Lavrov bul aıtylymdy teristep: «Men bul týraly eshteńe estimedim, alaıda, onda biz týraly jańsaq aqparattar jetkilikti. Bul jaıynda sheteldiń BAQ-tardyń osy «jańalyqty» erteń jarıalaıtynyna esh kúmánim joq»,-deıdi. «Eger, bul qaqtyǵys naqtylanar bolsa, onda bul serpin alǵan búlikshilerdiń Kıevtiń baqylaýyndaǵy terıtorıalarǵa jańa soqqylar bere bastaǵandyǵynyń aıǵaǵy eseptelmek»,-deıdi AFP.
Qatysty málimetterge negizdelgende, tórt aıdan artyq ýaqyttan beri jalǵasyp kele jatqan bul urysta 2,200 adam qaza taýyp, 400,000 adam baspanasyn tastap, bosyp ketken, al, búlikshiler baqylaýyndaǵy qalalarda qalǵan turǵyndar aptalap sýsyz, jaryqsyz qalǵan.
Talǵar Dálelǵazy
