Keńes Odaǵy komýnıstik partıasynyń sońǵy bas hatshysy Eýropada soǵys pen qantógistiń bolýy týraly eskertý jasaǵan. Bul týraly Iran qazaq radıosy «Germanıa» aqparat agenttigine silteme jasap jazdy.
Keńes Odaǵynyń sońǵy jetekshisi Mıhaıl Gorbachev Ýkraına máselesi boıynsha Eýropa men Reseı arasynda qalyptasqan teketireske toqtalyp, Batys elderine Ýkraına daǵdarysyn áskerı fazaǵa tartpaý týraly eskertý jasady. 83 jastaǵy reseılik saıasatker eger is áskerı qarsylasýǵa jetse, Eýropanyń qantógiske kýá bolatynyn qulaqqaǵys etti. Gorbachev sóziniń basqa bir bóliminde Ýkraınanyń shyǵysyndaǵy qaqtyǵystardan uzaq ýaqyt ótkenimen áskerı emes, beıbit azamattardy aımaqtan shyǵarý úshin shara tappaýdy synady. Ol Ýkraına daǵdarysyn beıbit jolmen sheshýdegi BUU men Eýropa Odaǵynyń rólin óte áserli dep ataǵan.
Qamshy-aqparat
