Pýtın Barrozýǵa jańa sanksıalarmen arandata almaıtynyn  aıtyp qyr kórsetti, bul týraly korrespondent.net aqparattyq saıty jazdy. Italándyq Repubblica.it basylymy RF Prezıdenti Pýtınnyń Eýrokomıssıa basshysy Joze Manýel Barrozýǵa «Kıevti eki apta ishinde ala alatyny» týraly aıtqanyn jazǵan. Basylymnyń jazýynsha Donbasstaǵy shıelenisken jaǵdaı Eýroodaq elderiniń Reseıge qarsy sanksıalardy kúsheıtýin talap etedi.

Basylym tilshileriniń sózinshe,  Vengrıa, Slovakıa jáne Kıpr elderi  Reseıge sanksıa salýdan qorqady. Sebebi atalǵan elderdiń óz ekonomıkasy da quldyrap ketýi múmkin.  Baltyq elderi bolsa, Eýropaǵa jaqyndaý úshin Reseıshil seperatısterge qarsy turýyna kómek retinde Ýkraınaǵa qarý-jaraq jóneltken. Osy ýaqytta, Ýkraınaǵa Reseı áskerı kúshteriniń kirýine alańdaýshylyq bildirgen Eýroodaqtyń alańdaýshylyǵy týraly Barrozýdyń sózine, RF Prezıdenti Pýtın qoqanloqy kórsetýge basyp: «Eger, qalasam Kıevti eki-aq aptada alamyn», - degen.

Eýrokomıssıanyń 11 tóraǵasy  Joze Barrozý, aıtqan sózine baılanysty  Pýtındy «jańa sanksıalarmen qysym kórsetýge de turmaıtyn» Prezıdent dep atady.

Biraz ýaqyt buryn Pýtın Ýkraına bıliginiń seperatıstermen ekijaqty utymdy dıalog qura almaǵanyn synaǵan edi.

Qamshy-aqparat