«Qazaqstan» qonaq úı, «Grand ballroom» meıramhanasynda halqaralyq dárejedegi bıznes-trener, orator, motıvator Amanjol Rysmendıevtiń kásipkerliktiń qyr-syry men bıznestiń sheberligi týraly «ÓRLEÝ» semınar-shoýy uıymdastyryldy.
Semınar-shoýǵa Qazaqstannyń ár aımaǵynan 500-ge tarta qatysýshylar kelip, bıznes týraly tyń aqparattarmen tolyqqandy qamtylyp qaıtty.
Semınar-shoýǵa arnaıy, qurmetti qonaqtardyń qatarynda Qazaqstanǵa belgili akter Bekjan Turys, ulttyq sarynda án shyrqap júrgen ánshi, ónertanýshy Erlan Tóleýtaı t,b. qatysty.
Semınar-shoý tańǵy saǵat 9 da tirkeýde iriktelip, keshki saǵat 7 de jabylý saltanatymen shymyldyǵyn japty. Semınar tek sabaq túrinde júrgizilip qana qoımaı, Qazaqstannyń belgili juldyzdary «Alashuly» toby, «Qurmanǵazy» orkestri án men kúıden shashý shashty. Qomaqty utys oıyndary oınatylyp, utysqa qoıylǵan «Hyundai Accent» avtokóliginiń kilti Qazaqstannyń ońtústik aımaǵynan kelgen jigittiń qanjyǵasyna baılandy. Sonymen qatar, utysqa tigilgen (I phone S6, noýtbýk, I pad, t.b.) baǵaly syılyqtar oınatylyp, utys ıelerine tabystaldy.
Bul joba elimizdegi kásipti jańadan bastap jatqan, bastaǵan bıznesin damytýǵa nıettengen ár qazaqtyń kásiptegi jolyn ashýǵa kómek beretin tyń bastama. Semınar-shoý áli de trenıń, koýchıng túrinde óz jalǵasyn tappaq.
Amanjol Rysmendıevtiń budan da basqa semınar-trenıngterine qatysyp, óz bıznesin dóńgeletip ketkender kóp. Bıznes te tehnıka sıaqty, basqara bilýmen qatar, biliktilkti, bilimdilikti talap etedi. Elimiz eńsesin tiktep, damyǵan elderdiń qatarynan boı túzeý úshin el ekonomıkasyna ár adam tamshydaı bolsa da óz úlesin qosýy, kásippen aınalysyp memleketke ıek artpaı, ózin-ózi qamtamasyz etýi tıis.
EST korparasıasynyń menedjeri: Ábdibaqyt Gúlden
