Almaty oblysynyń Úsharal qalasynda jańa áýejaıdyń qurylysy aıaqtalýǵa jaqyn dep habarlaıdy qamshy.kz. Bul týraly Alakól aýdany týrızminiń áleýeti týraly aıtylǵan brıfıńte aýdan ákimi Álibek Jaqanbaev málimdedi. Aýdan basshysy qurylysjumystarynyń 2015 jyly bastalǵanyn, atalmysh jobany júzege asyrý úshin búdjetten 896,9 mln. teńge bólingen bolsa, onyń 21,0 mln. teńgesi – 2015 jyly, al 348,7 mln. teńgesi byltyr ıgerilgendigin atap ótti. Aǵymdaǵy jyly qalǵan 527,2 mln. teńge qarjyny ıgerý kózdelip otyr.

«Áýejaıdyń qurylysy osy jyldyń maýsym aıynda tolyqtaı aıaqtalady dep otyrmyz.Sonymen qatar, bizdiń QR Investısıalar jáne damý mınıstrligi Azamattyq avıasıa komıtetine bergen «Astana – Úsharal – Astana», «Almaty – Úsharal - Almaty» baǵytynda oblysaralyq jańa avıareıster ashý jáne ony respýblıkalyq búdjetten sýbsıdıalaý máselesin qaraý týraly ótinishimiz oń nátıjege ıe boldy. Sondaı-aq, «Jetisý» avıakompanıasy» AQ-men birigip «Taldyqorǵan – Úsharal – Taldyqorǵan» ishki avıareısin ashý kózdelýde. Bıyl osy ishki avıareısti sýbsıdıalaý maqsatynda oblystyq búdjetten 15,2 mln. teńge bólindi», - dedi Á. Jaqanbaev.

Sonymen qatar, jańa áýejaıda ushý-qoný jolaǵy qaıta jańǵyrtylyp, áýe qozǵalystaryn uıymdastyrýǵa eń qajetti degen radıotehnıkalyq jáne meteorologıalyq qural-jabldyqtar jańartylǵan.  

Osy oraıda aıta keteıik, Úsharal qalasyndaǵy áýejaı Elbasy Nursultan Nazarbaevtyń Almaty oblysynyń ákimi Amandyq Batalovqa bergen tikeleı tapsyrmasymen jańǵyrtylýda. Ondaǵy maqsat – áleýeti joǵary Alakól kóline týrıserdi kóptep tartý jáne otandyq týrızmdi damytý.