Ońtústik Koreıanyń stýdenti óziniń týǵan kúninde tátti nan jep, kóz jumdy. Olar dostarymen birge "kim kóp jeıdi" degen oımen bástesken.

Kenetten bolǵan jaǵdaı Koreıanyń Kvanchjý qalasyndaǵy demalys úılerdiń birinde oryn alǵan. 

Bir top stýdentter jańa oqý jylynyń bastalýyn atap ótýge keledi. Saýyq keshi qyza bastaǵan sátte kóńil kóterýge kelgen stýdentterdiń biriniń jaqynda ǵana týǵan kúni ótkendigi belgili bolady. 

Medısına fakúltetiniń tórtinshi kýrsynda bilim alyp jatqan 21 jasar qyzdy barlyq dostary ótken týǵan kúnimen quttyqtaýǵa kirisedi. Keıinnen ataýly datanyń qurmetine oraı bir qyzyqty oıyn uıymdastyrmaq bolyp, ChocoPie kúlshelerin kim kóp jeı alady dep bás tigedi. 

Týǵan kún ıesi bul básten jeńip shyqqysy kelgeni sonshalyqty, tátti nandy kóz ilestirmes jyldamdyqpen aýzyna nyǵarlaı túsken. 

Tátti nanǵa keptelip qalǵan boıjetken tez arada tazalyq bólmesine júgirip shyǵady. Biraq ýaqyt óte keshtiń qonaqtary qyzdyń dárethanada talyp jatqanyn kóredi. Dárigerlerdiń kómegin qajet etken stýdent qyz tez arada aýrýhanaǵa jetkiziledi. Alaıda, dárigerler qyzdyń jan tapsyrǵanyn habarlaıdy. 

Ólimniń ne sebepti oryn alǵany ázirshe anyqtalý ústinde. Dese de, dárigerler qyzdyń asa kóp mólsherde jelingen nannyń kesirinen boldy dep paımdaýda. Olar tátti nan qyzdyń keńirdegine ketip, tıisinshe aýa ótý joldaryn jaýyp tastaǵan desedi.

Málimet Vkontakte jelisindegi Jańalyqtar tobynan alyndy.