Ekinshi orta salmaqta judyryqtasatyn qazaqstandyq boksshy Aıdar Sháribaev meksıkalyqty nokaýtqa túsirip, kásipqoı rıngtegi besinshi jeńisine qol jetkizdi, - dep habarlaıdy Vesti.kz.

23 jastaǵy meksıkalyq Gabına Kotamen (19-7-1, 17 KO) jekpe-jegi AQSH-tyń Tamp qalasynda ótti. Taıaýda qos boksshy da 130 fýnt salmaq kórsetip, jekpe-jekke asqan daıyndyqpen kelgen.

Jekpe-jekte qazaqstandyq basym boldy. Birinshi raýndta-aq Sháribaev birneshe soqqy jasap, qarsylasyn nokdaýnǵa túsirdi. Besinshi raýndta Gabına Kota kezdesýdi jalǵastyrýdan bas tartyp, tehnıkalyq nokaýt tirkeldi.

Osydan keıin qazaqstandyq boksshy kezdesýi jaıly aıtyp berdi: Jeńiske jetkenime sheksiz qýanyshtymyn. Nokaýtpen jeńgim keldi. Qarsylasym osal emes. Árıne, Amerkada myqty boksshyǵa qarsy debút jaqsy tájirıbe. Kýbalyq mamandardyń júıesi boıynsha eki aı daıyndyqtan óttim. Úırengenimdi rıngte kórsettim. Bapkerlerdiń kóńili tolypty".

Sonymen qatar, ol kórermenniń ózin Golovkınmen teńegeni jaıly aıtty. "Kórermen qoldaý bildirip otyrdy, bul jaqsylyqtyń belgisi, olarǵa meniń boksym unady, keıbiri tipti meni ekinshi GGG dep atapty. Jeńisimdi óz elime jáne jankúıerlerime arnaımyn! Qazaqstan týyn Amerıka jerinde kóterý men úshin maqtanysh!", - dedi Sháribaev.