Meniń atym - Nurlan. Jasym 7-de. Men ózimniń anam - Jansaıany jáne ákem - Asqardy qatty jaqsy kórem.
Shynymdy aıtsam jaqsy kórem, biraq keıde olardan qatty qorqamyn. Olar meni únemi urady, soqqyǵa jyǵady. Nege uratynyn bilmeımin? Eshqandaı jazyǵym bolmasa da meni ura beredi...
Tań ata salysymen uıqymnan oıanyp, mektepke bardym. Men jaqsy oqıtynmyn, synyp jetekshim, ıaǵnı Juldyz apaı, meni óte jaqsy kóretin. Al men barlyq synyptastarymdy jaqsy kóretinmin. Bilesiz be? Meniń dosym joq.. Qońyraý ýaqytynda, men synypta otyramyn da, qaryndashpen sýret salamyn. Eshkim menimen dos bolǵysy kelmeıdi. Men synyptastarymnyń janyna baryp, olarmen oınaǵym keledi. Biraq olardyń barlyǵy da meni ıterip tastap: "Joǵal bar! Seniń túriń jaman!" deıdi..
Bilesiz be, olar meni nege "Túriń jaman" deıtinin? Sebebi, meniń betimde úlken tyrtyq bolatyn. Ákem meni qatty urǵan kezde betim jaralanyp, sol tyrtyq betimnen ketpeı qoıdy.
Men ol sózge renjimeımin, sebebi olardy jaqsy kóremin..
Dál osy kúni, sabaqtan shyǵa salysymen úıge keldim. Úıge kelip, eski kıimderimdi kıip dalaǵa shyqtym. Dala - aıaz! Qaqaǵan qys! Kúnniń sýyǵynan qatty tońyp, álim quryp zorǵa júrdim.. Sóıtip júrgenimde, artqy jaqtan birneshe bala kelip, meni uryp-soǵyp, jerge qulatyp, tepkileı bastady. Olardyń biri: "Seniń túriń óte jaman! Seniń túriń qorqynyshty! Sen eshkimge kerek emessiń.. Qańǵybas!" degenin estip qaldym..
Men qatty jyladym.. Olardyń urǵanyna nemese tońǵanym úshin emes, dostarym bolmaǵany úshin jyladym.. Al men olardy sonda da jaqsy kóremin..
Úıge jylap keldim. Syrtqy beınemdi kórip, anashym shashymnan qysyp ustap, ony tartqylap aıqaılaı bastady:
- Qaıda boldyń, ońbaǵan?! Myna túriń ne?! Aqymaqsyń ǵoı sen! Tamaq ishemin dep oılama! Bólmeńe joǵal!
Men úndemeı óz bólmeme baryp, tynysh otyrdym. Men taıaq jep úırenip qaldym.. Ústi-basym ylǵal bolyp, qarnym ashyp otyryp, sol jerde uıyqtap ketippin..
Osy jaǵdaılardan soń sabaǵym nasharlap ketti.. Túk túsinbeıtinmin. Bul úshin ákem meni talaı uratyn edi. Bir kúni ol meniń alaqanymdy balǵamen urdy. Aýyr soqqydan barmaqtarym qımyldamaıtyn boldy..
Synyptastarym odan da beter mazaq etetin boldy..
Kúnder ótip jatty.. Bir kúni meniń júregim qatty shanshyp, aýyryp qaldy.. Ákem men Anam, sol baıaǵysha eshteńe istemedi.. Túnde ne qalaıtynymdy bilesiz be??! Júregim aýyrmaǵanyn qalap, jylaıtynmyn.. Biraq bul jaıly ákem men anama eshteńe demeıtinmin.. Olardyń basyn aýyrqym kelmeıtin..
Al bir kúni, mektepte "Meniń armanym" taqyrybyna arnaıy sýret salý kerek boldy.
Bári mashına, raketa jáne qýyrshaqtar salyp jatty. Al men olaı emes..
Sebebi maǵan keregi olar emes bolatyn. Maǵan keregi qamqor ákemen, meıirimdi ana edi..
Men tatý-tátti otbasyn qaǵaz betine beıneledim.. Ákemmen Anam jáne qýanyp tenıs oınap júrgen kishkentaı balaqaı.. Men ol sýretti salyp jatyp, únsiz jylap otyrdym. Sebebi, bul meniń oryndalmas armanym emes pe?!
Salynǵan sýretti búkil synypqa kórsetkende, barlyǵy meni mazaqtap, kúlki qyldy..
Men taqta aldynda turyp, sýretimdi barlyǵyna kórsetip: "Meniń armanym, ol meniń - otbasym" dep edim, barlyǵy kúle bastady..
Al men eshteńe demesten kózimnen jasymdy syrǵytyp, únsiz ǵana turdym.. "Ótinemin, kúlmeńizdershi.. Bul meniń armanym ǵoı.. Meni ákemmen anam únemi urady, jaqsy kórmeıdi.. Mazaq etpeńizdershi, ótinemin.. Meni de anam erkeletkenin, betimnen súıip, jyly sózder aıtqanyn qalaımyn.. Kúnde sabaqtan soń, mektep bir buryshynda turyp, sizderdi ata-analaryńyz alyp bara jatqanyn kórip, qatty qyzyǵamyn.. Al men eshkimge kerek emespin, men ony jaqsy bilemin.." dedim de qatty jylap jiberdim.. "Barmaqtarym jasamaıdy, túrim ádemi emes, kıimderim de eski-qusqy.. Biraq, meniń kinám ne?! Men óz ata-anamdy qatty jaqsy kóremin jáne olardy renjitkim kelmeıdi.. Ótinemin, eń bolmasa sender meni túsinińizdershi.."
Synyp jetekshim de jylap jiberdi.. Kóbisi meni túsingendeı boldy, biraq mazaqtaýyn toqtatar emes..
Bir kúni Orys tili sabaǵynan 2 aldym.. Úıge barýǵa qatty qoryqtym.. Sebebi, anam renjıtin edi.. Biraq, basqa barar jerim joq qoı.. Úıge bardym, anam 2 alǵanymdy bilip qoıdy..
Ol meniń aýyratyn barmaqtarymnan tartyp, jerge súırep qulatty.. Basym ústelge qatty tıdi.. Basym qatty aýyryp, eshteńe demesten jata qaldym..
Qatty soqqy alyp, eden ústinde jattym.. Ornymnan tura almadym.. Aıaq-qolym jansyzdanyp qaldy.. Anam meni uryp-soǵyp syrtqa shyǵyp ketipti.
Anam daladan kele salyp:
"- Seni qansha jyl ósirdik. Al sen eń bolmasa sabaqty durys oqı almaısyń! Ońbaǵan! Qazir ákeń kelsin, sazaıyńdy beredi! Men seni aıamaımyn!"
Men tek:
"- Mama, ótinemin, ákeme aıtpańyzshy! Men túzelemin! Ýáde beremin" dep aıtyp úlgerdim.. Ákem keldi..
Ol da meni qatty uryp soǵyp, taldyryp tastady.. Basqa eshteńe esimde joq..
Aýrýhanada oıandym.. Alaqanyma qarasam, barmaqtarym múlde joq eken.. Terezeden qarap otyryp, jylaı berdim.. Jańa Jyl jaqyndap qalǵan edi.. Balalar oınap júrdi.. Analary olardy erkeletip, súıip jatqandaryn kórip, qatty qyzyqtym.. Al men anamnyń kúlimdep, meni erkeletkenin eshqashan kórmegen edim..
Olar meni tek uryp-soǵýdy ǵana biletin edi..
Synyp jetekshim kelip, jaǵdaıymdy surap, biraz kóńilimdi kóterdi.. Ol meniń jaqyn dosym..
Jarty jyl ótti.. Men jaqsy oqı bastadym.. Bir kúni úıde otyryp, iship otyrǵan shaıdy tógip aldym.. Olar meni taǵy da ura bastady..
Kenetten júregim aýyryp qaldy. "Mama! Mama! Júregim aýyryp jatyr" dedim.
Ol mán beretin emes..
Taǵy da aýrýhanaǵa jatyp qaldym.. Ata-anam múlde habar almaıtyn boldy.. men olardy kútetinmin..
Olar menen bas tartty..
Al men olardy áli de súıemin! Jaqsy kóremin!
Nurlan esimdi balaqaı aýyr travmadan kóz jumdy..
Onyń qolynda aıaqtalmaǵan osyndaı mátindi hat turǵan edi:
"Mamataı! Áketaı! Osyndaı bolǵanym úshin keshirińdershi.. túrim jaman bolǵany úshin.. aqymaq bolǵanym úshin.. Meni súımegenderiń úshin keshirińdershi.. Keshirińdershi, ótinip suraımyn..
Men senderdi renjitkim kelmeıdi.. Meniń bar tilegim, anamdy qushaqtap, ony jaqsy kóretinimdi aıtqym keletin edi..
Áke, men seni de jaqsy kóremin.. Qansha ursań da seni jaqsy kóre beremin.. Senimen fýtbol, basketbol oınaǵym keletin edi.. Qydyryp júrýdi qalaıtynmyn..
Kináli ekenimdi bilemin..
Men senderdi qatty súıe...."
Ary qaraı jalǵasy joq edi.. Dál osy sátte balanyń júregi toqtaǵan eken..
Bul oıdan qurastyrylǵan oqıǵa emes.. Ómirde bolǵan..
Jazba Facebook áleýmettik jelisinen alyndy.
