Búgin, jumadan bastap Reseı terıtorıasyna Ýkraınadan kondıterlik ónimder kire almaıdy. BBC-dyń jazýynsha, sheshimdi shyǵarýshy vedomstvo bundaı talapty ónimderdiń markasynda zań buzýshylyq bar bolǵandyǵy úshin dep túsindirgen. Iaǵnı, Ýkraınanyń AO "PO "KONTI" jáne "AVK" kompanıasy ónimderi tutynýshylar quqyǵyn qorǵaý talaptaryn buzady eken.

Budan buryn Reseı Ýkraınadan spırtti ónimderdi, sút ónimderi men shyryndy, sondaı-aq balyq konservolary men kókónis ónimderin óz aýmaǵyna kirgizýge tıym salǵan edi. Sonymen qatar Ýkraınanyń  júgeri uny, shoshqa eti, as burshaq, kartofel, kúnbaǵys ónimderi de Reseıge kirmeıdi.

Ýkraına buny bir jaqty sheshim jáne Reseıdiń bizge ashqan saýda soǵysy dep sanaıdy. Esterińizde bolsa, keshe ǵana Eýroodaq elderi Reseıge ústeme sanksıalar salǵan bolatyn. Onyń ishinde Reseıdiń ulttyq kompanıalary jáne birneshe bankterimen áriptestikti toqtatý týraly sheshimder bar.  

Qamshy-aqparat