«Qamshy» portalynda qańtardyń 22-si kúni «SHYǴYS QAZAQSTAN OBLYSY RESEI AZAMATYNYŃ QOLASTYNDA MA?» atty maqala jarıalanǵan bolatyn.
Onda, Shyǵys Qazaqstan oblystyq máslıhatynyń hatshysy Golovatúk Vladımır Mıhaılovıchdiń Reseı azamattyǵy bolýy múmkin ekeni týraly jazylǵan bolatyn. Redaksıaǵa hat joldaýshy hatynda «1988 jyldyń 12 tamyzynda Golovatúk Vladımır Mıhaılovıch esimdi azamat Reseı Federasıasynyń «Azamattyq týraly» zańynyń 3 babynyń negizinde Astanadaǵy Reseı elshiliginiń konsýldyǵynda Reseı azamattyǵyn alǵany» týraly jazǵan bolatyn. Atalǵan maqala 20 myńnan astam ret oqylyp, áleýmettik jelide qyzý talqylanǵan edi.

Búgin SHQ oblystyq máslıhaty hatshysynyń qos azamattyǵy jaıynda qaýeset rastalmaǵany týraly maqala shyqty.

Polıseı qyzmetkerleri aqparattyń ras-ótirigin anyqtaý úshin 2 aı ýaqytyn jumsaǵan.

«Tekserý nátıjesinde SHQ oblysy máslıhatynyń hatshysy  Vladımır Golovatúktiń qos azamattyǵy jaıynda aqparat rastalmaı shyqty», dep málimdegen SHQO İİD baspasóz qyzmetiniń jetekshisi Baqytjan Torǵaev.

Elbasy ylǵı da aıtatyn memlekettik qaýipsizdik máselesinde BAQ-tyń alar orny da erekshe. Sondyqtan da «Qamshy» portaly poshtaǵa kelgen máselege beıjaı qaraı almaı oqyrmanǵa usynǵan edi. «Avtorlar pikiri men redaksıa kózqarasynyń sáıkes kele bermeýi múmkin» ekenin eske sala otyryp, oqyrmandardan rastalmaǵan aqparat úshin keshirim suraımyz!