Forbes jýrnaly álemdegi mıllıarderlerdiń jyl saıynǵy reıtıńin jarıalady. Tizimge engen qazaqstandyq bes mıllıarderdiń tórteýiniń baılyǵy artqan. Bul týraly www.centralasian.org jazdy.
Solardyń alǵashqysy - Qazaqstan prezıdentiniń burynǵy is basqarýshysy Bolat Ótemuratov. Bıyl jýrnal onyń baılyǵyn 2,3 mıllıard dollar dep baǵalady, ıaǵnı ótken jylǵy nátıje saqtalǵan.
Qazaqstannyń eń baı azamattarynyń reıtıńinde ekinshi orynda "Qazaqmys" korporasıasynyń burynǵy basshysy Vladımır Kım ornalasqan, onyń baılyǵy 2,1 mıllıard dollarǵa baǵalandy. Kásipkerdiń qazynasy 2015 jyldyń qorytyndysymen salystyrǵanda 600 mıllıon dollarǵa artqan.
Erli-zaıypty Tımýr men Dınara Qulybaevtar (Qazaqstan prezıdenti Nursultan Nazarbaevtyń qyzy men kúıeý balasy) da reıtıńte ekinshi oryn aldy. Olardyń árqaısysynyń baılyǵy - 2,1 mıllıard dollar. Bir jylda bul ekeýi baılyǵyn 100 mıllıon dollarǵa kóbeıtken.
Qazaqstandyq baılardyń bestigin ERG kompanıasynyń ortaq ıemdenýshisi, "Eýrazıalyq bank" AQ prezıdenti Alıdjan Ibragımov qorytyndylady. Kásipkerdiń baılyǵyn jýrnal 1,9 mıllıard dollarǵa baǵalady, bir jyldyń ishinde ol 300 mıllıon dollarǵa baıyǵan.
Álemniń eń baı ataǵyn osymen tórtinshi jyl qatarynan Bıll Geıts ıelendi. Microsoft korporasıasynyń negizin qalaýshynyń baılyǵy bir jylda 75 mıllıardtan 86 mıllıard dollarǵa deıin ósken.
