Nursultan Nazarbaev Ońdasyn Orazalındy Prezıdent Ákimshiligi basshysynyń orynbasary taǵaıyndady, - dep habarlaıdy Qamshy.kz tilshisi Aqordaǵa silteme jasap.
"Ońdasyn Seıiluly Orazalın Qazaqstan Respýblıkasy Prezıdentiniń Ákimshiligi Basshysynyń orynbasary bolyp taǵaıyndalsyn", - delingen Jarlyqta. Sondaı-aq, Memleket basshysynyń Ókimimen Ońdasyn Seıiluly Orazalınnyń basqa jumysqa aýysýyna baılanysty Qazaqstan Respýblıkasy Prezıdenti Ákimshiliginiń Memlekettik baqylaý jáne aýmaqtyq-uıymdastyrý jumysy bóliminiń meńgerýshisi qyzmetinen bosatylǵany habarlandy.
Ońdasyn Seıiluly Orazalın 1963 jyly týǵan.
1985 jyly Aqtóbe pedagogıkalyq ınstıtýtyn, 1991 jyly S.M.Kırov atyndaǵy Qazaq memlekettik ýnıversıtetin bitirgen.
1985-1986, 1987-1988 j.j. - Aqtóbe pedagogıkalyq ınstıtýtynyń oqytýshysy.
1988-1990 j.j. - Aqtóbe pedagogıkalyq ınstıtýtynyń komsomol komıtetiniń hatshysy.
1990-1993 j.j. - jarnamalyq aqparattyq-kommersıalyq agenttiktiń bólim bastyǵy.
1993-1999 j.j. - «Bank «Rıka» AAQ basqarma tóraǵasy 1999-2000 gg. - «Obltransgaz» JAQ, «Aqtóbegaz» JAQ basqarma tóraǵasy.
2000-2003 j.j. - Aqtóbe oblysynyń Muǵaljar aýdanynyń ákimi.
2003-2004 j.j. - Aqtóbe oblystyq syrtqy ekonomıkalyq baılanystar jáne ınvestısıalar basqarmasynyń bastyǵy.
2004-2005 j.j. - Aqtóbe oblysy ishki saıasat departamentiniń dırektory.
2005-2006 j.j. - Aqtóbe oblysy ákiminiń orynbasary.
2006-2007 j.j. - Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń memlekettik ınspektory.
2007-2008 j.j. - Qazaqstan Respýblıkasy Prezıdenti Ákimshiliginiń memlekettik baqylaý jáne uıymdastyrý jumystary bóliminiń meńgerýshisiniń orynbasary.
2008 jyldyń naýryz - qazan aralyǵynda - Qazaqstan Respýblıkasy Prezıdenti Ákimshiliginiń memlekettik baqylaý jáne kadrlyq-uıymdastyrý jumysy bóliminiń meńgerýshisiniń orynbasary.
2008-2014 j.j. - Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń meńgerýshisiniń orynbasary. 2014 jyldyń mamyrynda Memleket basshysynyń Ókimimen Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń meńgerýshisi bolyp taǵaıyndaldy. «Qurmet» ordenimen (2008) jáne 3 mereıtoılyq medalmen marapattalǵan.
